ZAANGFAK TUK IN TUNI AH AUNG SAN SUU KYI AN TUAH TTHAN CANG

Aung San Suu Kyi kongah thawngpang thar tuni ah a chuak mi cu lungrawk ngaingai si ko. Ralhrang kawlralkap nih Ziknawh eihmuar case pali hmang in sual an phawt chap tthan cang. Hi konghe pehtlaiin Aung San Suu Kyi a sihni Min Min Soe nih a chimmi cu, Aung San Suu Kyi cu a dam that lio a si. Tuni biaceihzung ah Aung San Suu Kyi cu case pali an chap tthan tiah a chim.

Tuan deuh ahcun Aung San Suu Kyi hi ziknawh ei hmuar case pakhat an rak tuah i, a tu ahcun pakhat lawng siloin pali asi cang tiah tuni ah kan theih. Ziknawh eihmuar case pali an chapmi hi zeibantuk pawl dah a si timi fiangtein kan thei rih lo. Mah case caah ni 22 ah khin biacaih caan pek asi tiah a chim. Aung San Suu Kyi case hi atu pali an ceih cuahmah lio a si.

Zarh khat ah voikhat hnih tiin case pali cu ceihkhan cuahmah lio asi. Cun hi case pali chungah Aung San Suu Kyi sual a puhtu hna zong biahalnak an tuah cuahmah lio hna a si i, tuni zong biaceihzung ah an chuak tthan. Asinain tuni ahcun Aung San Suu Kyi cu ziknawh eihmuar case dang pali an chap tthan tiah tuni ah an theih ve.

Myanmar: Aung San Suu Kyi appears in court for first time since military  coup - BBC News

Thawngpang dang:Tuni Falam ah minung pathum an nunnak a liam. Minung pahnih tulio zawtnak Covid in an nunnak aliammi an si i, pakhat tu cu zawtnak dang asi, Smkyi Twe Leeng hi zawtnak dang in a nunnak aliammi cu a si i, Volunteer pawl le Khrihfabu tuanvo ngei hna nih Laampa thlanmual ah an vui tiah theih a si. Tuzing ah Salai Cin Sum Bik kum 29 cu Falam sizungpi ah a nunnak aliam.

Cun chunhnu ah Pu Anselm Vung Suan Kham kum 64 zong sizungpi ah a nunnak aliam. A nunnak aliammi Salai Cin Sum Bik le Pu Anselm Vung Suan Kham an ruak cu voluteer pawl le khrihfabu tuanvo ngeitu hna nih Canmari Thlaanmual le RC thlaanmual ah an vui hna tiah theih a si. Covid zawtnak in Falam pengah a nunnak aliammi hna cu atanglei bantuk in an si.

June 2 ah Pi Zing Rem Thluai (Kum 53), June 12 ah Rev. Piang Bik (Ramthlo- Kum 51) le Pi Khawfeli (Rihkhawdar- Kum 81), June 13 ah Pu Sui Ceu (Kum 67) le Pu Lalthanpuia (Rihkhawdar- kum 38, June 16 ah Mai Lal Muan Kim (Kum 27) June 18 ah Pi Za Nawn Kai (Kum 79) June 19 ah Pastor Thang Hre Mang (kum 33) June 21 ah Pi Lun Khaw Niang (kum 76) June 22 ah Salai Lal Than Eng (kum 25).

June 24 ah Pu Cung Lian (kum 66) June 25 ah Pu John Ral Za Lian Kulh (kum 60) June 26 ah U Win Naing (Rihkhawdar- kum 72) June 27 ah Pu Hrang Thawm Vel (kum 62), June 28 ah Pu Leeng Tin Hre (kum 66), June 29 ah Daw Win Mya Kyi (kum 51), June 30 ah Pi Ni Siang Men (kum 39), July 1 ah Pi San Del (kum 63) le Pu Lal Duh Cung (kum 44) July 2 ah Pu Hung Hleih (kum 46).

July 5 ah Pu Thang Lam Kim (kum 40) July 7 ah Pu Martin Hniar Cung (kum 72) July 9 ah Rev. Philip Tlei Thuan (kum 63) le Pu No Lian Sang (kum 73) July 10 ah Pu Ronald Ci Hem (kum 75) July 11 ah Pi Thian Vel (kum 55) le Rev. D. Vai Lian Zul (kum 50) July 12 ah Salai Cin Sum Bik (kum 29) le Pu Anselm Vung Suan Kham (kum 64) hna an si. Falam khuachung in a nunnak aliammi hi minung 27 an si i, Laikhua lam ihsin mi 4 an thi zo ih zatekom mithi 31 an um thlang tiah theih a si. Credit: CHDN

Be the first to comment

Leave a Reply

Your email address will not be published.


*