UN MEETING AH RALHRANG MUISAM A LENG TI LO, NUG LEI AN I TEL

UN Meeting Onnak Ah U Kyaw Moe Tun aa tel. A voi 75 nak UN General Assembly meeting pi cu Sept 14, tuni in thok a si cang. Tuni cu meeting onnak le zei dangdang in caan an hmang deuh. UN chungtel cohlantu Committee ah aa telmi ram hna thanhnak an ngei kho. Credentials Committee ah cun US, China, Russia, Bahamas, Butan, Chile, Sierra Leone, South Africa le Sweden hna an si. Credentials Committee meeting hi November ah tuah dingin timtuah a si.

May be an image of 1 person, sitting and indoor

Cutik lawngah UN nih SAC maw a cohlan, NUG dah a cohlan timi kha vawleipi theih in phuan a si te lai. Tutan meeting i an ceih zongah thanh a si rih lai lo. November i Credentials Committee Meeting khawh lawngah thanh a si lai. Credentials Committee Meeting biachahnak a fian hlan chung cu UN Meeting ah SAC palai kaiter lo dingin US le China hnatlaknak an tuah cang. Tuni Meeting onnak program ah NUG palai U Kyaw Moe Tun zong a kai. SAC palai bel a bau ruangmang ko.

May be an image of one or more people and indoor

Relchih Thawngpang dang: Ni thum chung ah Chinmi minung 1,236 Mizoram, Hnahthial District ah an zaam. Myanmar ram Chin Ramkulh chung ah SAC mithat phu le CNA/CDF karlak kahdohnak ruang ah 2021 September 10 in September 13 tiang Mizoram, Hnahthial District ah a zaam mi Chinmi minung 1,236 an si cang tiah Hnahthial DC nih a taarlangh. September thla chung i Mizoram ah a zaam mi telh lo in a hlan i a rak zaam cia mi ralzaam chung in ngakchia hna cu an umnak hmun le khua ah Mizoram Cozah nih sianginn kaiter ding in timhlamhnak a ngeihpiak hna i, atu hi sianginn zong an kai deng cang tiah kan theih.

Chinmi an zaam tam cemnak hmun hi Mizoram Hnahthial District chung ah a si i, 2021 June thla chung khan a lut mi an um cang.Hnahthial District chung ah June 30 tiang a zaam mi Chin Ralzaam hna hi an dihlak ah minung 633 an si i, September thla chung ah minung 908 an lutchap. Myanmar ram buainak a chuah ka in nihin tiang Mizoram, Hnahthial District chung ah a zaam mi Chinmi hna hi an dihlak ah minung 1,541 an si i,Thingsai khua ahhin a zaam mi minung 720 in a tam cem an si. Thingsai khua chung ah ralzaam umnak ca ah tiin khuami le zatlang phu hna i bawm in ralzaam umnak ca tiin sang thar zong an samh i electric mei tiang free in an hmanter hna tiah thawng kan theih. The Hakha Post

Be the first to comment

Leave a Reply

Your email address will not be published.


*