THAWNGPANG THAR: KIA NIH RALHRANG HRIAMNAM TAMTUK AN LAK

KIA nih ralhrang kawlralkap hriamnam tamtuk an lak. Zahanzan suimilam pariat hrawngah Kachin ramkulh Vamaw peng Aungmay 1 khuapawng ah a ummi ralhrang kawlralkap Khahmahyah 321 tatyin le pithusit hna cu KIA nih an luh hnawh hna i, an kah hna. An i kah caan hi suimilam pakhat chung hrawng asi i, KIA nih ralhrang hna umnak hmun cu mei in an khangh piak hna.

No photo description available.

Hi i kahdohnak ah ralhrang kawlralkap lei in a thimi an tam pin ah ralhrang kawlralkap hriamnam tam ngai zong KIA nih an lak rih. I kahnak ah ralhrang kawlralkap tam ngai an thi, a sinain minung zeizat set dah an thi timi tucu theih asi lo tiah an langhter. KIA lei in hliam a tuarmi le a nunnak a liam mi an um le um lo zong an langhter rih lo.

No photo description available.

Thawngpang dang:Ralhrang kawlralkap nih ttihnung taktak in khuami hna cu an hngawng an tan hna. An ruak in an hmuh hna. Demoso ah ralhrang kawlralkap hna nih umhmun an khuarnak ah pawng ah a thicia mi ruak an hmuh. Cu a thimi ruak hna cu an hngawng aa tan dih tiah an chim. Hi thil a cannak hmun cu Demoso peng Sanpiah 6 khua ah a si tiah an langhter.

Ralhrang kawlralkap hna umhmun an khuarnak inn hi No 3/27 le a pawngkam pakhat ah a si. Hi hmun le hma hna cu Kazaw remdaihnak phu le Kayianphy party phu hna nih an kal hnawh i, thatein zohfelnak an va tuah. Cu ahcun inn hnu le a thicang mi ruak hna cu an hmuh hna. Athimi ruak hna cu an hngawng aa tan tiah an chim.

Hi konghe pehtlaiin an langhtermi cu a thimi ruak ralhrang kawlralkap hna nih an hngawng an tanmi hna hi a hodah a si timi an thei kho hna lo. Chungkhar ralhrang hna umhmun an khuarnak inn ngeitu hna zong an si kho tiah an chim. Mithi ruak hna cu mipi runvengtu ralkap hna nih an khangh tiah thanhnak an tuah.

Be the first to comment

Leave a Reply

Your email address will not be published.


*