MIN AUNG HLAING CAAH THAWNGPANG CHIA TAKTAK A CHUAK CANG

Min Aung Hlaing caah thawngchia taktak a chuak. UN hruainak ah a ngan taktak mi, Nuhrin Covo lei papek in cawlcanghnak United Nations High Commissioner for Human Rights (UNHCHR) nih Caan karlak Myanmar Cozah thar a simi NUG a cohlan, cu lawng si loin Kawlram dirhmun tihnung a si cang, Pulrai zawtnak le Raldohnak in a khat cang tiah ralrin peknak bia zong fak ngai in a chim colh tiah Vawleicung media ngan taktak a simi Reuters nih a tarlangh.

Kawlram ah a faktuk mi Nuhrin Covo buarnak, Ralchung ralthawhnak le Covid pulrai zawtnak ruang ah dirhmun chia chin lengmang ah a panh cang” tiah ralrin peknak bia zong a chim hi asi.Cun tutan ah biapi ngai in a chim mi cu “Min Aung Hliang hruaimi Ralkap pawl nih, NUG Cozah, Tlangcung hriamtlai phu pawl, Zatlang lei cawlcanghnak phu pawl, CDM a tuah mi pawl, Lothlo phu, Sandahpiah tu phu pawl hi a ton hna i, thatnak chuah pi ding ah bia a ruah hna awk a si” tiah a chim fawn.

United Nations High Commissioner for Human Rights (OHCHR) ah Lutlai a simi Michele Bachelet nih “NUG Cozah timi min fiang ko in a langhter lawng si loin, Myanmar mipi dirkamh ding, an duh mi uknak tha a chuah khawhnak ding ah vawlei cung ram dihlak nih kan dirkamh hna awk a si cang” tiah fiang ko in a chim fawn.

Kawlram cu ramthek buainak in Covid pulrai zawtnak le ramchung raldohnak lei in faktuk in a kal cang caah biatak tein dirkamh a herh, Asia zong nih biahren (5) an chuahpi mi zong hi a tlai hlan ah a rannak in an tuan chuah awk a si cang, NUG Cozah nih Rohingya kong an dirhmun zong hi a biapi tuk mi asi, cu caah kan dirkamh hna awk a si tiah fiang ko in a chimchap.

United Nations High Commissioner for Human Rights nih Ralkap tlaih mi milu zat, thongthlak mi le thah mi tiang in a langhter dih i fak ngai in ralrin peknak a tuah. Cun tutan a biachim mi ah NUG Cozah cu fiang ko in a theihpi nak tete a langhter i NUG le Myanmar mipi dirkamh ding in vawleicung ramkip tuanvo kan ngei tiah a chim hi asi.

Thawngpang dang: Ralhrang kawlralkap nih thil tuah hram an thok cang. Ralhrang kawlralkap hna nih Yangon ah mei man a pelo mi hna cu an mei hri an hrawhpiak cang hna. Yangon khuachung Kamayut, Northern le Dagon Seihkan telh in Township tam deuh ah nizan chunhnu thok in ralhrang kawlralkap hna nih Cycle in an chawh hnawh hna i, mei man a pe lomi hna cu an mei hri an chahpiak hna tiah theih a si.

Northern Dagon ah mei man peknak zungin an mei hri hna cu an chahpiak hna i, Norther Dagon Pinlong lampi No. 37 ah hin tam ngai an meihri an chahpiak hna ti a si. Hi konghe pehtlaiin minung pakhat nih a chimmi cu kanmah inn pawng hrawng zongah ape lomi kan tam ngai. Mei man peknak zungah rianttuantu hna an rat hnu ah kan mei cu a rawk colh tiah a chim.

Hi bantuk thiamthiam in Dagon Seihkan Township chung No 58 zongah inn kip ah an kal hnawh hna i mei man a pelomi hna paoh cu ralhrang kawlralkap lei nih an mei hri an chahpiak thluahmah tiah an langhter chih. Mei man kan pek lo ruangah inn kip ti awk mei hri an chahpiak hna i, a tuhi sang dang an kal hnawh cuahmah hna i, meiman pe colh aa kan ti tiah khuami pakhat nih a chim ve.

Mei man konghe pehtlaiin tuan deuh ah NUG cozah nih meiman nan pe lai lo tiah thanhnak an rak tuah cang. Culawng siloin mei man a halmi hna cu leirawitu ah chiah an si lai tiah an rak langhter cang. Tutan ah ralhrang kawlralkap hna nih meiman a pelomi hna cu an mei hri an chahpiak cang hna.

Be the first to comment

Leave a Reply

Your email address will not be published.


*