LAI NAWNG BAWI MIN AUNG HLAING KAL HNAWH AN TIMH CANG

ASEAN hruaitu lutlai pahnih kawlram ah an kal lai tiah an langhter. Kawlram ah ASEAN hruaitu lutlai pahnih tlawn an i timhnak cu ralhrang kawlralkap bawizik Min Aung Hlaing tonnak ngeih dingah tlawn an i timh hi a si tiah an langhter. ASEAN hruaitu lutlai pahnih kal aa timmi hna cu Chairman le General Secretary an si i, hmaizarh chungah an i thawh lai tiah an langhter.

Stop the killing, violence against civilians, PM tells Myanmar | Malaysia |  Malay Mail

ASEAN hruaitu pahnih Myanmar ah tlawn an i timhnak cu Myanmar ah a cang cuahmahmi thil kha an mit hrimhrim in hmuh an duh ca le rambuai tuahremhnak kongah ralbawizik Min Aung Hlaing he tonbiaruahnak ngeih dingah a si tiah Arirang nih cun a thanh. April 24, Indonesia khuapi Jakarta i ASEAN meeting biachahmi 5 kha a tak in pehzulh le tuanchuah dingah zatlangbu tampi nih an aupi lioah atu bantukin ASEAN hruaitu pahnih cu Myanmar ah tlawn an i timhnak a si.

Chairman's Statement on the ASEAN Leaders' Meeting, 24 April 2021 and  Five-Point Consensus - ASEAN | ONE VISION ONE IDENTITY ONE COMMUNITY

Jakarta biachahnak 5 hna cu hramhram sersatnak ngol ding, cabuai cung biaruahnak in remdaihnak hawl ding, Myanmar buainak kongah ASEAN nih palai chiah ding, ASEAN nih Myanmar mipi bawmhnak pek onh ding le Myanmar ah ASEAN palai bu thlah ding hna hi an si. Hi konghe pehtlaiin Min Aung Hlaing nih cun ASEAN biachahnak hi kan upat lai i kan zulh ko lai tiah a chim lo. Ramchungah daihnak a um tik lawngah ASEAN biachahnak le ruahnak pekmi hi kan tuaktan lai tiah April thla dih lei ah a chim. Credit:TCP

Chairman's Statement on the ASEAN Leaders' Meeting, 24 April 2021 and  Five-Point Consensus - ASEAN | ONE VISION ONE IDENTITY ONE COMMUNITY

Thawngpang dang: AA le KNU nih NUG/ CRPH an zumh hna lonak aruang an chim. AA nih NUG an zum lo nak cu 1988 in NLD nih Federal Democracy uknak kan duh tiin Tlangcungmi biakam nak akan tuah i akan sawm caah kan rak zumh tuk hna nain 2015 Cozah an si hnu ah Democracy Federal ah an thlen. An biakamh mi an zul duh tilo. 2008 phungremh aduhlo mi cu NLD an si.

Cucu Federal Democracy an cohlan lo nak langhter mi asi. NLD lunglut zong kan caah an tha lo i Ral kap lungput zong an tha hlei lo. Voksa thau in voksa kio bantuk asi.NLD nih Ralkap he i bawm in , AA an kan doh, ral ah an kan ser atu ahcun Ralkap zong nih an kan sawm , NLD zong nih an kan sawm. Ref, Thun Myat Niang nih atial mi.

NUG hi atha ko na in NUG hi NLD nawl ngeihnak caah dirhmi bantuk asi. Party pakhat Nawl ngeihnak nih UKmi bantuk kan si ahcun lunghring awk asi. Kan duhmi Federal Democracy le tlangcungmi caah tlukruan uknak hi NUG sining zoh ah zumh ahar tiah a chim, KNU ralbawi Parawsaw Tony chim mi. Credit: Lai Phun Ttanh.

Be the first to comment

Leave a Reply

Your email address will not be published.


*