KHUA AN RAK ZOH CU, MITHI RUAK RIM LAWNGTE IN A KHAT

Tuar a har ko lai. Kan inn le lo zeidah a lawh hnga tiah an zaamnak hmun in khuachung an rak luh cu an khuachung ah mithi rim lawngte a rak nam. Kaya ramkulh Demawso peng, 6 Maing khuami hna cu a himnak hmun ah an zam hna i, an rak kir tik ahcun lungfahnak in an khat. An inn le lo siseh an khuachung ah mithi rim lawngte a rak nam.

Khua ah ralhrang kawlralkap an um ti lo caah khuachung ah inn le lo zoh ding in kan rak ra. Khuachung kan vun phak ahcun mithi ruak a thumi rim lawngte a khat. Mithi ruak a rawk cangmi tampi an um i, ahodah a si timi zong theih khawh asi ti lo. Mithi ruak tthenkhat cu uico hna nih an rak ei i, ruak hi pahra hrawng cu a si ko lai. Inn hngaktu pawl an thahmi hna asi kho. An ruak pawl a rawh tuk caah aho timi kan theih kho lo tiah a chim.

Tuni cu Demawso myone chungah khua tthenkhat hna cu an khua ah an rak kir hna i, an inn an rak zoh hna. Chawva tampi in dih an sakmi inn le lo hna cu ralhrang kawlralkap hna nih an hrawh hna i, tthenkhat cu khangh mi zong a um. Inn a rak phanmi hna hi hohmanh an mithmai apanh kho lo. Cu lak ah mithi ruak rim lawng a si i, ruak tthenkhat le bang cu an taksa zong a um ti lo tiah minung pakhat nih a chim ve.

Hi bantukin thil a si ruangah KNDF nih tukdohnak kan tuah lai lo tiah thanhnak an tuah. Kayah mipi humhimtu cu kawlram mipi nih an duhmi Federal Democracy duh ruangah ralhrang kawlralkap doh dingah biakamnak a tuahmi kan si. Mipi humhhimtu le ralhrang kawlralkap kan dohnak ruangah ralzam tingkhat renglo an um cang.

Cubantuk dirhmun a phak ruangah biaknak lei hruaitu upa hna le remdaihnak a duhmi hna nih tukdohnak cu ngawl dingin an duh. KDNF nih halnak an tuahmi cu kan cohlan hna i kahdohnak cu kan ngol rih. Sihmanhsehlaw ralhrang uknak cu tukdohnak siloin thildang tuin kan dohkalh thiamthiam hna lai. Mipi zong lungrual tein kan um hna lai tiah thanhnak an tuah ve.

No description available.

Thawngpang dang:Ralhrang kawlralkap thiltuah cu lung a fak chin lengmang ko cang. Khua zong an zoh kho tilo an khangh dih i, Khua pakhat cu vutcaam bantuk in an chuah dih. Magwe ramtthen, Pakhuko district pauk peng Kimma timi khua cu ralhrang kawlralkap hna nih nizan june ni 15 ah khan an khangh piak dih hna.

Kimma timi khua cu vutcaam bantukin aa chuah. Kahdohnak a fak chin lengmang lai. Ralhrang nih mipi cungah a phunphun thihphaihnak, hrocernak le thatlonak an tuah chin lengmang lai. Minung lungthin a ngei lomi ralhrang nih hin mipi fahnak le temtuarnak ding lawng an ruah khawhmi a si.

Tutan ah ralhrang kawlralkap hna nih an khangh piak mi hna khua hi inn 250 hrawnghrang an umnak khua a si i, hi khua ah hinĀ  minung in thongkhat hrawnghrang an um tiah thawngzamhnak nih a langhter. Ralhrang kawlralkap thiltuah hi minung lungthin zong an ngei ti lo. Cu hlan ah hibantukin khua dihlak khanghpiak timi hi theih awk a um rih lo. Credit: Khit Thit Media

Be the first to comment

Leave a Reply

Your email address will not be published.


*