KAWLRAM KONGAH UN NIH BIA ACHIM, UNHRC NIH SUAL A PHAWT CANG

Ramchung Remdaihnak Tuah Dingin UN Nih Ralhrangbu A Forh, UNHRC nih Kawlram tlangcungmi le Rohingya hna cungah ralhrangbu nih minung covo a buar mi cungah sual a phawt pinah ramchung i rem daihnak rian hmaithlak in tuah dingin July 11 ah biakhiahnak a tuah. Hi agenda hi Islamic pawl i funtomnak phu OIC aiawh in Pakistan nih a luhpi mi a si i, chungtel ram 47 umnak HRC nih a fehter mi a si.

Taluk belte cu a karlak ah a um. Pakistan UN palai Khalil Hashmi nih Kawlram chung Muslim pawl dirhmun le an covo cu a chia ngai rih, ralhrangbu nih mipi covo a buarnak cungah human rights council nih a kham dingin a nawl. UN nih Kawlram minung covo kongah a papek deuh in rian a pek mi Thomas Andrews zong nih ralhrangbu nih rampi uknak a chuh hnu timhcia tein minung covo a buar mi cungah vawlei cung ram vialte nih kham dingin a luancia thla 5 chung kan rak tlolh tiah a chim.

UN high commissioner of human rights Michelle Bachelet Jeria zong nih Kawlram ramkhel kong cu minung covo phunphun buainak ah a cangcang.Ramchung hmunkip ah ralhrang cawlcanghnak le rethei sifahnak ruangah ram thanchonak zong hna beisei ngam a si ti lo. Hi nih a chuahpi mi cu fail state a si lo ah a thuk le a kau ngai mi rampi dohthlennak ram ah a cang te lai tiah a chim.

Atu lio kan ram ah Covid-19 zawtnak a karh, oxygen i daih lo ruangah mi tampi an nunnak a liam lio ah ralhrangbu cawlcangh ning zoh tikah mi tampi nih ralhrangbu cu covid-19 rai hman in mipi a thattu a si tiah ruah a si. TCP. Relchih hlawtnak tampi a um. Canada ah Nurse a ttuan liomi Nu Siang Thlai Rem nih siaharhnak nganpi he a langhtermi a si.

Covid tei khawhnak dingah kan eimi rawl ah Zeibantuk vitamin dah a um? Tulio covid khamnak le dohnak caah a ttha tiah social media ah siaherhnak he Vitamin phunphun ei ding timi langhtermi hna hi thatein ruat hna usih. Cucu a tanglei bantukin a si.Vitamin D (Cholecalciferol). Vitamin D hi thatnak tampi a ngei. A herhmi hna caah nikhat 2,000 IU hrawng hi sibawi nih an pek tawn hna.

Na herh mi nak lengin na ei ahcun na kal a hrawh khawh i, thihnak tiang a chuahter khotu a si. Vitamin C (Ascorbic Acid): Vitamin C zong taksak caah thatnak tampi a um i, a herhmi hna caah nikhat 100mg lawng ei ding a si.Kan herhmi nak lengin eidin ah cun Kal ah lung a umter pin ah zunthlum zawtnak tiang a chuahter kho mi a si.

Zinc, Zince zong immunity (ကိုယ်ခံအား) le a dangdang caah abiapi taktak mi essential mineral asi. Asinain kan taksa nih tlawmpalte 9mg hrawng lawng a herhmi a si i, nifatin kan ei mi hi a zako. Kan herhmi nak lengin ei ahcun luakchuak tibantuk a um kho.Vitamin pawl hi ei hlah uh ka tinak cu a si hrimhrim lo. Sihmanhsehlaw a za tawk in eiding asi i, a din eining kan thiam abiapi.

Hleihluat tuk in kan hman asi ahcun covid ruangah siloin kalfah in thihnak tiang a chuahter khawh tihi kan theih a hau. Asi ahcun mah bantuk vitamin pawl hi zeitindah kan ngeih khawh lai ti asi ahcun atanglei hi a si. Vitamin D hi Pathian nih a free tein aa kan pekmi Nitlang ah suimilam pakhat thut, Ngasa le Chawhnuk hna nih kan taksa caah a harhmi a chanbaumi kha ahmuh khawh, Si ei ahau hrimhrim mi a si maw timi hi ruah ding a um.

Vitamin C zong Banhla le Anthur, Retei hang le thlaihnah kan ei mi ah tampi a um ko. Zinc hi tah khoika in dah kan hmuh lai. Kan immunity (ကိုယ်ခံအား) thatnak dingah mitkuh cimte in ih ding, exercise kan taksa cawlcanghnak tlawmpal tuahpiak ding. Cun ti tampi in dinpiak ding, rawl lumte kan ei piak mi nih hin immunity (ကိုယ်ခံအား) a tthatter. Ruahnak aidang cio ko hna lai, Asinain ka cohlan ko. Siaharhnak he Siangte. References : Vitamin D Toxicity-A Clinical Perspective – NBCI-NIH

Be the first to comment

Leave a Reply

Your email address will not be published.


*