GOLDEN BOOT HI HODAH CO TE LAI? RONALDO DIRHMUN A TTHA

Golden Boot hi Ronaldo nih ala te lai maw? Atu tiang rih ahcun amah nih a lak lai tiah zumh a si. Golden Boot cu EURO ah kawl tambik a ngeimi an pek tawnmi hna a si.Cun pahnihnak le pathumnak caah silver le bronze boot a si rih. Akonglam cu kan theih pah dih mi a si caah tampi kan ttial lai lo. Tutan ah hin a hodah Golden Boot la kho dingmi tu ah vun kal hna usih.

Golden Boot la kho dingah cun Ronaldo hi a dirhmun a ttha bik mi a si. Atu tiangah Ronaldo hi goal tambik angeimi a si. EURO 2020 ah Ronaldo nih goal nga a khumh i, top scorer a si khomi dirhmun ah a um. Czech Republi hmaikal Patrik Schick nih goal nga a khumh ve nain assist angeih lo caah Ronaldo nih a tei. Goal 4 angeimi Karim Benzema, Emil Forsberg le Romelu Lukaku hna cu an tla dih cang.

Semifinal le Final chuih dingmi ah hin Ronaldo alonh khotu an um kho men. Harry Kane hi goal thum angei cang. Asinain assist angei rih lo. Denmark he an chuih tikah zeidah alawh lai? Cun Sterling zong nih goal thum a khumh cang i assist voikhat angei. Zumh bik mi cu Harry Kane le Sterling cun Ronaldo ah hin pakhat paoh nih an lak lai tinak si.

Italy lei in goal hnih angei cangmi hi Ciro Immobile, Lorenzo Insigne, Matteo Pessina le Muanuel Locatelli an si. Asinain goal thum vun khumh tthan ding cu zumh a har ngai cang. Aruang cu an chuihpi dingmi hi a thiammi an si caah thilhar ngai ding asi. Spain lei in Morata nih goal hnih a khumh ve cang asinain atu an chuih ning cun goal thum vun goal tthan ding cu a har ngaingai.

Suárez & Ronaldo receive Golden Shoe 2013/14 | Best Footballers

Nizan Phillipines ah ralkap phurtu vanlong tlaknak ah minung 17 an nunnak aliam. Hi vanlong ah hin minung 92 an i cit hna i, a tambik cu ralkap pawl deuh lawngte an si hna. Hi vanlong hi Sulu province i, Jolo Island ah chun suimilam 11:30 ah a ttum dingmi asi nain ruahlopi in accident a tong hi a si tiah defence secretary Deflin Lorenzana nih a chim.

Vanlong a tlaknak hmun ah hin minung 17 ruak hmuh a si i, a dang minung 40 hna cu chanh manh an si. Asinain hliam an tuar ruangah sizung ah kalpi colh an si. Cun a dang pawl zong kawl cuahmah lio an si tiah a chim chih. Hmuh rih lomi hna zong hi himdam tein an um lai timi kan i ruahchan ko tiah General Cirilito nih a chim. Hi vanlong ah a cuangmi ralkap hna hi Islam ralhrang pawl Abu Sayyaf group doh dingin thlahmi hna an si.

Minung tam deuh hna cu Basic military training a dih ka mi deuh an si hna. C-130 Vanlong hi ralkap le an harhmi thilri phurhnak caah hmanmi a si pin ah rawhralnak atongmi hna bawmhchanhnak zongah hmanmi vanlong a si tawn. Cun mah vanlong hi an cawk tharmi zong asi tiah an chim chih. Hi konghe pehtlaiin ralkap lei thawngthanhtu Colonel Edgard Arevalo nih a chimmi cu:

Hi vanlong ah hin ralhrang cawlcanghnak or pakhat khat kahmi asi nak hmuh a si lo. Sihmanhsehlaw zeiruangah dah accident a tongmi tucu fiangtein dottletnak tuah asi rih lo i, hliam atuarmi hna zohkhanh le adang kawl pawl rian hmasa bik mi a si tiah achim. Aliamcia June thla zongah Phillippines ah hin Black Hawk helicopter accident arak tong i minung paruk an nunnak arak liam.

Be the first to comment

Leave a Reply

Your email address will not be published.


*