TUZING AH RALHRANG NIH KANKAW PENGAH KHUA AN KHANGH EE

Magway remthen, Gangaw peng, Gangaw-Kalay karlak ah a ummi Htay Hlaw khua cu Sept 12, tuzing suimilam 7 hrawngah ralhrang nih mei in an khangh tiah theih a si. Khuami pakhat nih cun “Tuzing suimilam paruk le cheu hrawngah uico ralhrang nih mei in an khangh. Kan inn mei an khangh lio cu a langin kan cuanh, zeihmanh kan ti khawhmi a um lo.

Khuami vialte kan himnak dingah kan zam dih” tiah a chim. Sagaing ramthen le Magway ramthen ramri ah nifatin in ralhrang le mipi vengtu ralkap kahdohnak a um peng. Ralhrang nih khuakhat hnu khuakhat in mei an khangh. Nai teah Gangaw-Kalay karlak ah a ummi Thar Lin, Min Thar, Namkha khua i inn 80 renglo hna cu ralhrang nih mei in an khangh i khuami 20 leng an thah cang hna.

May be an image of tree, grass, sky and nature

Sept 12, tuzing ah Gangaw-Kalay karlak ah Kalay lei in zei bantuk mawtaw hmanh umkal lo dingin PDF Kalay nih cathanh an chuah. Ralhrang nih umkalnak ah mawtaw sawhsawh an hman tawn caah Gangaw-Kalay karlak ah a umkalmi mawtaw paoh cu kan kah cang lai tiah mipi sinah ralrin peknak cathanh an chuah hi a si. PDF Kalay nih cun an page ah a tanglei bantukin an tial.

May be an image of outdoors

Kahdohnak ruangah Kalaymyo le Gangaw karlak ah mawtaw in umkal hlah u tiah PDF Kalay nih kan thanh lengmang cang. Tuzing in Gangaw peng Namkha le Htay Hlaw khua karlak ah PDF le ralhrang kahdohnak fak ngai in a um. Ralhrang nih umkalnak ah mawtaw sawhsawh an hman lengmang. Cucaah Kalaymyo in Gangaw lei ah zei bantuk mawtaw hmanh kal hlah u tiah ralrin kan in pek than hna. Mawtaw a kalmi cu zei bantuk an si zongah kan kah hna ko hna lai, ti kha hlankan in kan in theihter hna”. TCP

Be the first to comment

Leave a Reply

Your email address will not be published.


*