TUTAN THAWNGPANG CU AMAK KO RALHRANG CU AN I LAWM NGAI BAK LAI

AIPA Assembly Ah Ralhrangbu An Kai Termi Cungah ASEAN An Lungtling Lo August 22 in 25 tiang Brunai ram ah tuah ding mi a voi 42 nak ASEAN Inter-Perliamentary Assembly (AIPA) tonpumhnak ah ralhrangbu cu observer in kai nak nawl an pek hna i, CRPH an i tel ve lo nak cungah CRPH an lung a tling lo. AIPA hi ASEAN Parliament ah a sang bik mi parliament phu pakhat a si.

I, AIPA rotation chairman Brunai Judiciary council chairman H.E. Pehin Dato Abdul Rahman Taib nih Kawlram aiawh ding min cazin theihternak cu parlianmentary culture phung ningin thawng an kan thanh lo tiah a ti. CRPH nih hi tonpumhnak kai dingin CRPH chairman U Aung Kyi Nyunt, Daw Myat Thidar Tun le U Sithu Maung hna cu kai dingin min an pek mi a si.

Atu bantukin CRPH sin ah thawngthanhnak an tuah lo mi kongah AIPA chairman thiltuah ning le ASEAN parliament cu democracy phungning he a kalh mi, mipi aiawh nak a um lo mi kalphung pakhat a si. Cu hleiah AIPA chairman nih mipi thim a si lo mi le, mipi ai a awh lo mi ralhrangbu palai observer ah an pom mi cu democracy phung zah lo nak le ralchiatnak nak a si. Tuah sual, palh mi a um a si ahcun rianrang in silhnalh ding le Kawlram mipi aiawh tu hna sawm an timh a si ahcun meeting kai dingin timhcia kan si tiah CRPH nih a ti. TCP

Thawngpang Dang. Thantlang Peng khuate cheukhat eidin supsap le mehhaang dongcat. COVID-19 zawtnak ruang le kahdohnak ruang ah Thantlang Peng khuate cheukhat cu eidin supsap le mehhaang cawk ding a har cang, tiah kan theih. Hi kong ah khua pakhat in khuami dawr ngeitu pakhat nih, “COVID-19 zawtnak hi Hakha le Thantlang ah a karh tuk ruang ah dawr thil zong kan la kho ti lo.

Kan ngeihcia mi zong a dih cang. Cu pin ah kahdohnak zong a chuak pah lengmang i eidin supsap le mehhaang lak cu chimlo khualtlawn le umkal hrimhrim kan ngamh ti lo, tiah The Hakha Times ah a chim. Khuate dawr ngei pawl nih thil an lak khawh ti lo ca ah khuami zong eidin supsap le mehhaang cawk ding an ngei ti lo, tiah kan theih. Credit: The Hakha Times

Be the first to comment

Leave a Reply

Your email address will not be published.


*