TULUK BIACHIM CU KHUARUAHHAR TAKTAK A SI KO, RALHRANG KONG A CHIMMI

Tuluk ramdang vuanci nih kawlram kongah vawleipi theih in a chimmi bia cu amak ko. Tuluk hi cu khuaruahhar taktak an rak si ko. Tuluk ramdang vuanci Wang Yi nih a chimmi cu Kawlram buainak cu dantatnak tuah in a ttha kho hlei lo. A biapi bik mi cu hmur le kaa in deihter dingmi buainak a si. Thaazaang chuahnak um lo dingin phung le lam ning in thatein ceih dingah vawleipi nih ttuanvo kan ngei.

Dantatnak pek tibantuk cu kan hrial ah a ttha. Buainak cu hmur le ka in phisin ding a si. ASEAN meeting ah hnatlaknak tuahmi hi rianrang tein atlamtling nak dingah rianttuan hi a biapi tuk mi a si tiah a chim. Tuluk nih tuandeuh zongah Kawlralkap dantatnak pek hi a herh lo tiah a rak ti cang. Cun UN zong kawlram kong ceihkhan ti lo dingin an rak ti bal cang.

Asinain UN ah Tuluk nih kawlram kong ceihkhan ti lo dingin biasu a chuahpi mi cu a tlamtling lo, Vote an lak i ceihkhan dingin biachahnak an tuah. Tuluk tutan ah kawlram konghe pehtlaiin a chimmi hi a voi 9nak vawlei cung remdaihnak Ni an tuahnak ah Tuluk ram aiawh in tuluk ramdang vuanci nih a tubantuk in a chim tthan hi a si.

State Councilor and Foreign Minister Wang Yi Meets the Press

Thawngpang dang:Aung San Suu Kyi kongah Biaceihzung thiltuah cu Aung San Suu Kyi a sihni alungfak ngaingai. Asinain biaceihzung sang ah kan chuahpi tthan lai tiah an ti. Hi konghe pehtlaiin Aung San Suu Kyi a sihni Daw Min Min Soe nih a timi cu kan Court kan phak in nawlnak kan tuahmi ca cu court ah kan pek colh hna. Asinain zohfelnak zong ngei loin angah lo tiah aa kan ti. Hibantuk thil cu kan caah lung a fak ngai. Court sang deuh ah kan chuahpi tthan lai tiah a chim.

Suu Kyi taza an cuainak hi phun sarih a si i, cu chungah rampi minchiater or rampi mualphoh timi aa tel, Hi thil an puhmi zong hi February ni 7 hnu ah a cangmi asi. Nawlngaihnak an lak ah Suu Kyi le President Win Myint cu an rak tlaih colh hna. Cu kong cu NLD facebook page ah rak thlah a si. Cu ruangah case an tuahpiak hna hi a si. Anmah hi NLD lutlai veve an si caah asi tiah an chim.

Hi case kongah nihni pawl nih court ah an chimmi cu hi thil cu an mah an um ti lo, midang cawlcanghnak a si caah lakpiak dingin nawlnak an tuahnak cu a si. Asinain nawlnak an tuahmi cu court nih a cohlan piak hna lo i, phung le lam ning in ceihkhan a si lai tiah an ti hna. Court nih an cohlan piak hna lo ruangah a cunglei bantukin alungfahnak a chimmi hi a si.

Be the first to comment

Leave a Reply

Your email address will not be published.


*