RIANSANG TAKTAK ATLAIMI MINUNG 11 NIH AN CHUAHTAAK CANG

Good News: Vawlei cung ram pasarih ah a ummi kawlram palai minung hleikhat hna cu ralhrang kawlralkap kuttang ah um huam loin CDM ah an lut cang. UNO ah kawlram Ambassador U Kyaw Moe Tun telh in US le Switzerland ah kawlram palai minung hleikhat hna cu ralhrang kawlralkap tangah rianttuan huam loin CDM ah an lut tiah U Kyaw Moe Tun nih a chim.

Vawlei cung ramkip ah kawlram palai a ummi hi minung pakul an si i, cu chungah cun minung hleikhat CDM ah an lut cang tiah theih a si. US, Washington DC i, Ambassy ah rian a ttuan mi minung pali an si i, Los Angeles Ambassy in minung pathum an si. Cu hna cu US cozah nih a zohkhanh rih hna tiah an langhter chih rih. Cun Swetzerland, Geneva ah palai hna zong nawlngeitu hna kut ah an umter cang hna.

Cupin ah Canada siseh Germany le France cun Israel le Japan ram hna ah an um hna. Hi konghe pehtlaiin Ralhrang kawlralkap hna nih uknak an lak mi duhlo ruangah Japan ram ah kawlram aiawh in bawlung a chuihmi Pyih Shain Aung zong nih vawlei pi theih in ralhrang kawlralkap duhlonak a langhter. Hi thil a tuah ruangah kuttlaihnak tuah asi tiah a chim chih.

May be an image of 1 person and text

Thawngpang dang: Ralhrang Kawl Ralkap uknak duhlonak rak langhter ruangah Kyant Khin khua ah a um mi palik unau hna 2 cu ralhrang kawlralkap lei nih an rak tlaih hna I thong kum khat thlak ding in biaceih an rak si. Tuni July ni 1 ah palek unau hna I an nu sin ah ralkap minung 2 an ra I na fapa le nih cozah sin ah Covid ချေးငွေ an r‌ak cawi mi ting 6 le thong hnih cu na cham than a hau tiah an rak hal.

Cun Ka fapa le nih a hlan cozah sin ah tangka an rak cawi mi cu ka theih ko tiin hringtu an nu cu ralkap nih min an thutter. Hringtu nu nih min ka thu lai loh a ti caah ralkap sakhan hmu nih rak ka tong seh ati. Sakhan hmu cu kan nu nih a va ton tik ah na fapa le nih tangka an cawi mi a si. A lakka in pek mi an si lo. Na cham than a hau tiah a rak ti tthan.

Kan nu nih kan pe kho hna lai lo a ti I inn a rak lawi nain kan fapa le a hmuh chap than in thong sautuk an thlak sual hna lai ti ka phan caah sakhan hmu pa cu tangka cu kan cham ko hna lai tiah kan nu nih a ti tthan tiah U Thanh Zin nih a chim. A fapa le cu thong ah sau tuk an chiah sual hna lai ti a phan caah an nu nih cun ralkap cu July ni 15 ah a zatein kan cham ko hna lai tiah sakhan hmu pa cu a chimh tiah theih asi. Palik unau hna 2 cu a tu lio ah Pathein thonginn ah chiah an si I an pa zong ralkap nih an kawl len caah a zam lio asi tiah theih asi.

Be the first to comment

Leave a Reply

Your email address will not be published.


*