RALKAP PHURTU VANLONG A TLA, MINUNG 17 AN NUNNAK A LIAM

Nizan Phillipines ah ralkap phurtu vanlong tlaknak ah minung 17 an nunnak aliam. Hi vanlong ah hin minung 92 an i cit hna i, a tambik cu ralkap pawl deuh lawngte an si hna. Hi vanlong hi Sulu province i, Jolo Island ah chun suimilam 11:30 ah a ttum dingmi asi nain ruahlopi in accident a tong hi a si tiah defence secretary Deflin Lorenzana nih a chim.

Vanlong a tlaknak hmun ah hin minung 17 ruak hmuh a si i, a dang minung 40 hna cu chanh manh an si. Asinain hliam an tuar ruangah sizung ah kalpi colh an si. Cun a dang pawl zong kawl cuahmah lio an si tiah a chim chih. Hmuh rih lomi hna zong hi himdam tein an um lai timi kan i ruahchan ko tiah General Cirilito nih a chim. Hi vanlong ah a cuangmi ralkap hna hi Islam ralhrang pawl Abu Sayyaf group doh dingin thlahmi hna an si.

Minung tam deuh hna cu Basic military training a dih ka mi deuh an si hna. C-130 Vanlong hi ralkap le an harhmi thilri phurhnak caah hmanmi a si pin ah rawhralnak atongmi hna bawmhchanhnak zongah hmanmi vanlong a si tawn. Cun mah vanlong hi an cawk tharmi zong asi tiah an chim chih. Hi konghe pehtlaiin ralkap lei thawngthanhtu Colonel Edgard Arevalo nih a chimmi cu:

Hi vanlong ah hin ralhrang cawlcanghnak or pakhat khat kahmi asi nak hmuh a si lo. Sihmanhsehlaw zeiruangah dah accident a tongmi tucu fiangtein dottletnak tuah asi rih lo i, hliam atuarmi hna zohkhanh le adang kawl pawl rian hmasa bik mi a si tiah achim. Aliamcia June thla zongah Phillippines ah hin Black Hawk helicopter accident arak tong i minung paruk an nunnak arak liam.

Military plane transporting troops crashes in the Philippines | Philippines  News | Al Jazeera

Thawngpang dang:Aung San Suu Kyi le President Win Myint chuah uh tiah ralhrang kawlralkap hna cu UN nih ati cang hna. UN Secretary General Antonio Guterres nih ralhrang kawlralkap hna cu Aung San Suu Kyi le President Win Myint chuah hna uh tiah an ti. UN nih hibantukin thanhnak an tuahmi hi ralhrang kawlralkap hna nih minung 2000 leng an thlah hna hnu ah an chimmi a si.

A hman loning in sualpuh mi ralhrang kawlralkap hna nih an tlaihmi Aung San Suu Kyi le President Win Myint hna chuah colh ve hna uh tiah Eri Kaneko nih a chim. Ralhrang kawlralkap hna nih an tlaihmi konghe pehtlaiin Assistance Association for Political Prisoners activist group nih a timi cu ralhrang nih an tlaihmi hna hi minung 6400 an si cang i a nunnak a liammi hi minung 880 renglo an si cang tiah an thanh.

Be the first to comment

Leave a Reply

Your email address will not be published.


*