RALHRANG THILRI PHUR VANLONG A TLA, MINUNG 12 AN NUNNAK LIAM

Ralhrang kawlralkap thilri a phurmi Vanlong a tla. Minung 12 an nunnak a liam. Suimilam pariat ah Pin Oo Lwin EPC pawngah ralhrang thilri phur vanlong a tla. Khuami pakhat nih a chimmi cu thawngpang kan theih i, zoh khawh le a si lo. Ralhrang kawlralkap hna nih vazoh zong an siang lo i, an kham. Meithat motor pawng an kal zong kan hmuh hna tiah pawngkam a ummi khuami pakhat nih a chim. Hi vanlong tlaknak ruangah minung 12 an nunnak aliam. A nunnak aliammi zat hi fiangtein theih asi rih lo tiah an chim.

May be an image of outdoors

Thawngpang dang:Mithat Lainawng Min Aung Hlaing ruangah ralzam an tamtuk cang, Ralhrang nih nawlngeihnak an lak thok in tutiang ah ralzam hna hi minung tinghnih renglo an si cang tiah an chim. Hi konghe pehtlaiin RFA nih a langhter ning ahcun ralhrang kawlralkap nih cozah uknak an lak hnu ah ralhrang le mipi kilvengtu i kahnak ah a chuak.

Ralhrang kawlralkap hna nih cunglei he tangle he an kah hna i, hriamnam phuntling an hman. Hi kahnak ruangah ramtthen pahnih le ramkulh panga chungah ralzaam hi minung tinghnih le thong 30 hrawng an si cang tiah an thanh. Kayah ramkulh ah ralzaam hi tingkhat renglo an si i, Kachin ah thong 14 hrawnghrang ralzam an si.

Cun Shan ramkulh North ah thong 20 renglo an si i, Southern ah ralzaam hi thong 14 hrawnghrang an si. Cun Karen ramkulh ah ralzaam hi thong 60 hrawnghrang an si i, Chinram chungah ralzaam hi thong 15 renglo an si i, Sagaing ramtthen ah ralzaam thong 15 renglo an si i, Magway ramtthen ah thong 10 renglo an si tiah an langhter.

Hi konghe pehtlaiin kan hnu zarh June 2 ah UNOCHA nih thanhnak an tuahmi cu May 31 tiang list kan lak khawhmi ahcun Kachin le Chin ramkulh tel loin tukdohnak ruangah ralzaam hna hi minung tinghnih hrawnghrang an si cang tiah an rak langhter. Ralhrang kawlralkap nih hramhram in uknak an lak hnu ah hmunkip kaa kip ah tukdohnak a chuah caah ralzaam hi an tam chin lengmang te lai tiah zumh a si.

Be the first to comment

Leave a Reply

Your email address will not be published.


*