PDF LEI IN MINUNG PAKHAT TUNI I KAHNAK A NUNNAK LIAM. RALHRANG TAMPI AN THI

Nihin ah a cang mi Tamu khua kahdohnak ah ralhrang lei in minung 17 hrawng an thi Sagaing ramthen Tamu khua nihin zinglei ah kahdohnak a chuak, ralhrang phu lei in minung 17 hrawng an thi, PDF lei in minung pakhat a nunnak a liam, minung pahnih nih hliam an tuar tiah PDF-Tamu in rianngei pakhat nih a chim.

Tamu khualeng ah ummi University of Technology hmun chungah umhmun khuarmi ralhrang phu hna cu Tamu PDF phu nih nihin August 23, zinglei suimilam 5:30 hrawng ah an kah hna caah kaphnih kar kahdohnak a chuak. Nihin zinglei suimilam 9:00 hrawng tiang an i kap, ralhrang phu lei in a thi mi an um cu a fiang, Tamu sizung ah ralhrang phu hna sivang in an um” tiah Tamu-PDF in rianngei pakhat nih a chim.

August 22 ni zong ah Tamu khua, Myomah no.12 sang Nanphalung(နန္းဖာလုံ) အထက (ခြဲ) sianginn ah umhmun khuarmi ralhrang phu hna cu mipi vengtu phu Tamu-PDF hna nih bomb in an doh hna caah ralhrang phu lei in minung 2 an thi, hliamtuar mi zong an um. Sagaing ramthen,Tamu khua cu ralhrang phu nih hriamhmang in doh mi hna chung in a hramthok an si. April thla chung ah a cang mi kahdohnak chungah khuami mino hna nih hramhram nawlngeihnak la tu ralhrang phu hna cu kham in kahdohnak ah ralhrang phu lei in minung 18 an rak thi. TCP

Chinram Mindat Thawngpang: Apoi ko ralhrang kawlralkap nih Mindat ah cawlcanghnak an tuah hoi. Mindat khua chung ah ralhrang kawlralkap nih hriamnam ngan in tlerh khawnhnak an tuah ruang ah khuami hna cu an dihlak ning in an zaam dih. Chin ramkulh Mindat peng khua pakhat a si mi khuiring khua chungah ralhrang kawlralkap nih an kah hna caah khua chung minung le khua kiangkap hrawng he a zaam mi 600 hrawng an si. Hi kong he pehtlai in khuami pakhat nih thilsining a chimmi cu a tanglei bantuk in a si.

Khuami hna cu a tuhi ram tang ah kan i dor hna i ruah zong a sur,khua chung i nu nau pawi he kum 80 ,90 pi tar pu tar he an za tein puak bu in kan zaam pi hna tiah khua chung mino pakhat nih an tonmi konghe pehtlaiin thil sining chim. Mindat peng ah SAC ralkap hna hi khuate kip ah lut in inn hrawh, innzuat satil vok le ar thah i ei, thilri fir tiin an lor saling a si tiah Mizzima nih a tial.

Be the first to comment

Leave a Reply

Your email address will not be published.


*