NLD DIRHMUN AN LANGHTER CANG EE, LUNGRAWK NGAI SI KO

Kawlralkap ralhrang hna nih thlapa thlaruk chungah NLD Party chungin minung 324 an tlaih cang hna. February ni khat thok in ralhrang kawlralkap hna nih uknak an lak i, atu thlapa thlaruk chungah NLD Party chungtel minung 324 an tlaih cang hna. Hi an tlaihmi hna chungah ramkulh le ramtthen hluattaw palai hna zong an i tel tiah NLD CEC chungtel pakhat nih a chim.

Rampi huap in ralhrang kawlralkap hna nih NLD Party chungin an tlaihmi hna lak ah minung 99 hi hluttaw palai an si tiah a chimchap. Party CEC tuanngeitu minung 19 chungah minung 15 an tlaih hna i, minung panga hna cu Vuancichok an si. Cun ralhrang kawlralkap sakhan ah minung pathum an nunnak a liam i, thonginn ah pakhat a thi tiah a chimchap.

Ralhrang kawlralkap hna nih cun NLD party hrawh dingin biachahnak an tuah i, an zung zong an hrawh dihnak a um len. Hi konghe pehtlaiin apeh tthan rihmi cu NLD party cu mipi nih dirhmi a si caah zeitik hmanh ah hrawh khawh dingmi a si lo, Mipi nih an cohlan lomi party cu a rawk colh ko lai. Mipi an um chung paoh cu NLD party hi a um peng ko lai tiah a chim. Apeh rihmi cu NLD hruaitu tthenkhat le khuate ummi siseh chungkhar in a zaammi zong an um tiah a peh chap.

NLD party News and Updates from The Economic Times - Page 2

. Thawngpang dangKawlram tangka thlen cu van bak a tawng cang. Ralhrang kawlralkap nih uknak an lak hnu ah kawlram tangka man a ngei tilo, a ttum chuk chin lengmang cang. Atulio kawlram tangka thlen cu US tangka fangkhat ah kawlram in thongkhat le zasarih renglo a si. Tangka thlen le cawknak aa kei ti lo tiah tangka a thlengtu hna nih an chim.

Cun tulio kawlram ah Sui man zong akai taktak. Fangkhat tlai sui ah kawlram tangka in ting 15 le thong 90 hrawng aphan cang. Kawlram tangka thlen rate hi ralhrang kawlralkap hna nih uknak an lak hlan deuh January thla tiangah cun US fangkhat ah kawlram tangka in thongkhat le zathum hrawng asi. Asinain May thla in khan cun 1730 tiang a phan tiah an chim.

Tangka man attum tuk nak hnga lo Central Bank nih million zeimawzat an zuar tiah an langhter. Aliamcia june thla ah khan tangka thlen hi 1625 a si i, July thla ahcun 1674 a si. Asinain a tu zarh ahcun 1705 tiang a hung si tthan. July thlachung ah Central Bank nih dollar 39 million tiang an zuar i, August tutiang lawngah 10.1 million an zuar cang ti a si.

Be the first to comment

Leave a Reply

Your email address will not be published.


*