MINUNG 100 RENGLO A RAK RAMI RALHRANG KAWLRALKAP KIA NIH AN KAH HNA

KIA nih ralhrang kawlralkap minung 100 renglo an kah hna.Doh Phung Yan khua pawngah ralhrang kawl ralkap le KIA karlak ah kahdoh nak achuak tthan. Tuni June thla ni 3 zinglei ah Moe Mauh peng Doh Phung Yan khua pawng ah ralhrang kawl ralkap le KIA karlak ah kah doh nak fak piin a cang tiah theih asi. Tuzing ah ralhrang kawlralkap hna cu,

Nuamlanh khua lei panh in Motor lam piin an rak ra hna. Ralhrang kawlralkap lei hi minung zakhat reng lo an si hna. Ralhrang kawlralkap hna cu Doh Phung Yan phak hlan meng 3 a hlat nak hmun ah KIA nih an kah hna tiah khuami pakhat nih a chim. Nazi 2 chung an I kap cang. Atu tiang an I kap rih. Ralkap lei nih hriamnam ngan an hman mi thawng zong theih khawh asi.

KIA lei nih lam ah an bawh hna i, an kah hna caah ralhrang kawl ralkap lei a thi mi an tam lai tiah a peh chap. An I kahning a fah caah kap hnih lei in hliamhma atuar mi an tam ko lai. Asi nain ralhrang kawlralkap lei an tam deuh lai tiah khuami pakhat nih a chim. Alawbum tlang tangah a ummi Doh Phung Yan ah I kah dohnak a um lo nak hi ni 10 hrawng a si cang nain tuni thok in kahdoh nak a um than hi a si tiah theih asi.

MYANMAR Myanmar army attacks Kachin camp: 23 dead and 13 wounded

Thawngpang Dang: Apoi taktak Ralhrang Kawlralkap kahnak ruangah a thi mi Tabawh khuami nu pahnih ruak cu lak khawh asi lo. Hta Wei peng Tabawh Seih khua mi Ma Aye Cho le Daw San Po hna cu ralhrang kawlralkap nih an kah hna caah an nunnak aliam. Culawng siloin an ruak zong kan la kho rih hna lo tiah tantak mi chungkhar hna sinin theih asi.

Aliamcia May thla ni 31 zanlei ah ralhrang kawlralkap nih nu pahnih hna cu an thi cang. An ruak zong mei in kan khangh cang hna tiah thawng aa kan thanh tiah a nunnak a liammi Daw San Po I a vapa U Soe Soe nih a chim. An ruak um lo in thlacam nak le ruak vui nak tuah a hau cang ko lai tiah thawng zamh nak ah a chim chap.

Ma Aye Cho le Daw San Poe cu May thla ni 29 ah ralkap pawl khuachung ah lut in an buai. Cu an buainak cu an lau i, an zam hna. Culio ah ralhrang Kawl ralkap nih an kah hna caah an thih hi asi. An inn chungkhar hna nih an ruak lak khawh ding in an I zuam len ko nain ralkap lei nih an rak pe hna lo. Ma Aye Cho cu kum 29 a si I fa pahnih a ngei mi asi. Daw San Po cu kum 46 a si I fa 4 a ngei mi asi.

Be the first to comment

Leave a Reply

Your email address will not be published.


*