LUNGRAWK CHIN LENGMANG SIKO, KAWLRAM DIRHMUN A TTHA TI LO

Kawlram Dirhmun Cu A Tha Lo Ngai Tiin Vivian Balakrishnan Nih A Chim Kalram ramkhel buainak pin ah covid-19 zawtnak ruangah an dirhmun a tha lo ngai tiah Singapore foreign minister Vivian Balakrishnan nih a chim. Atu tiang SAC ralhrang cawlcanghnak dinh an i tim rih lo, ramkhel kong he an tlaih mi hna zong an thlah rih hna lo. Buainak he a peltlaihmi hna kar ah chawnhbiaknak zong pakhat hmanh a um rih lo.

Chawlehnak zong a tumchuk lio pi a si, covid zawtnak phundang delta variant ruangah mipi harsatnak tampi an tawn lio a si tiah Balakrishnan nih reuter news agency ah nihin August 20 biahalnak ah a chim. Kawlram buainak tawlrelnak dingin ASEAN palai Erywan Yusof cu Kawlram ah a kal khawhnak ding le buainak he a pehtlaihmi vialte hna he ton dingin a zuam cuahmah lio a si i, November thla ah tuah ding mi ASEAN summit hlan ah thanchonak pakhat tal a um lai ka zumh tiah Singapore ramdang vuanci nih a chim.

NUG kong he pehtlaih in Mr. Balakrishnan nih lam kan on peng ko. Khatalei ca awng ruat in kan tuahmi a si lo, mi vialte he pehtlaihbin kan tuah lai ti zong an theih ko. Chawlehnak kharphih piak thawngin an i remh lai lo, mipi lawng an tuar-ing te lai.Ralhrangbu nihcun anmah te lawng um hi an duh deuhmi a si caah san a tlai tuk lai lo. ASEAN in Kawlram chuah ding hi kan ruat bal lo. Ramdang kongah va thlak zong kan duh lo, nain ASEAN nih a si khawhnak lam kawl kan duhmi a si.Singapore foreign minister nih mah biahalnak vialte hi US vice president Kamala Harris nih Vietnam le Singapore a tlawn lai ni 2 a duh ah a chim mi a si. TCP

CDM atuah mi ralbawi pahnih bak nih hi thil hi cu a dik mi a si ko tiah an ti ve cang. Ralhrang kawlralkap hna nih cun biadik lo asi tiah an ti ve. Tuzarh chung lawngah ralhrang kawlralkap hmun hnih ah a ummi ralhrang kawlralkap minung 40 an hriamnam he an zam timi kongah ralhrang kawlralkap lei nih cun hibantuk thawngpang hi a dikmi asi lo tiah an thanh.

Sihmanhsehlaw CDM atuah mi ralkap bawi pahnih nih cun ralhrang kawlralkap hna an zaam timi hi biadik a si ko tiah an ti. Magwe ramtthen Thayet hriamnam tuahnak hmun ah a ummi ralhrang kawlralkap minung 15 hna cu an hriamnam he an zam tiah thawngpang a leng. Cu hnu ah Dawer khua ah a ummi ralhrang minung 25 hna zong an hriamnam he an zam tiah langhter a si.

Hi konghe pehtlaiin ralhrang kawlralkap hna nih thanhnak an tuahmi cu Magwe hriamnam tuahnak hmun ah ralkap minung 15 an zam timi le Dawei khuapi ah a ummi ralkap minung 25 an hriamnam he an zaam timi hi biadik lo a si tiah ralhrang kawlralkap hna nih cun an langhter ve. Hi konghe pehtlaiin CDM a tuahmi ralbawi Lin Htet Aung le Min Maung Maung nih ralkap hriamnam he an zam timi hi a dikmi asi ko. Ralkap an zam timi ka theih i biadik a si ko ralkap an zam timi cu adik mi asi tiah CDM atuahmi ralbawi Lin Htet Aung nih a chim.

Be the first to comment

Leave a Reply

Your email address will not be published.


*