KAWLRAM KONGAH RUSSIA ALUNG FIM CANG RUA, TUTAN A CHIMMI AMAK KO

Kawlram ah a cangmi harsatnak le buaibainak pawl hi a dih dongh cang nak ding caah ASEAN embassador nih thaazang chuah in a riantuannak cu Russia ram nih fek tein kan cohlan ve tiah Russia vuanci pa nih tuni July ni 6 ah a chim. Cupinah SAC ralkap hruaitu upa pawl sin zongah mah kong kan cohlan nak kong cu ca kan kuat hna tiah a chim chih.

Ralkap hruaitu pawl he kan I chawnh biaknak ah ASEAN ram pawl nih hnatlak nak an tuah mi kong 5 cu Russia lei nih kan cohlan ve tiah kan chimh hna. Kawlram buaibainak a daih ter ding ah ralkap lei nih hi hnatlak nak 5 hi a biapi chiah in an ruah ding asi tiah Russia lei nih cun kan ruah tiah vuanci pa nih cun Jakarta a tlawn nak ah a chim.

Russia vuanci pa cu Jakarta a tlawn pah ah ASEAN ram vuanci pawl hna he online in I chawnh biak nak a ngei lai tiah Indonesia vuanci pa nih a chim. Russia le Kawl ralkap lei I pehtlaihnak a that cingling si tiah ruah lio ah Russia vuanci pa sin in hi bantuk bia hna vun theih asi. Tutan ah Russia nih thanhnak an tuahmi hi cu lung ahmui ngaingai.

No description available.

Falam lei thawngpang: Tuni Falam Covid update: Tuni July ni 6 ah Falam sizung OPD ah Covid zawtnak aa check mi hi minung 50 an si i, cu chungah minung 18 nih zawtnak an ngei tiah theih a si. Hi lio caan ah damnak tlamtling a hmumi hi minung 9 an si tiah an langhter. Hi konghe pehtlaiin a liamcia May ni 20 in July ni 5 tiang kong an langhter mi cu a tanglei bangin a si.

May ni 20 in July ni 5 tiangah minung 1027 an check cang hna i, hi chung ah minung 377 zawtnak a ngei mi an si. Covid zawtnak ruangah sizung ah a ummi damnak he sizung a chuak cang mi hna hi July nikhat ah minung pathum an si i, July nihnih ah minung paruk an si. Cun July nithum ah minung pakua an si i, July nili ah minung pariat an si.

Cun July ninga ah minung pakua an si i, July niruk tuni ah minung pakua an si. May ni 20 in tuni tiang ah minung 139 hna hi damnak he sizung in a chuak cang mi an si. Tuni July niruk in zawtnak angei mi hna cu inn lei ah Home Quarantine in um angah ti lo i, zohkhanh ahaumi hna cu sizung ah siseh zawtnak dirhmun hoih i dam lei in apanh mi hna cu Sizung quaters thar ah siseh DRD ah Quarantine dirhmun in zohkhanh an si lai tiah an langhter.

Be the first to comment

Leave a Reply

Your email address will not be published.


*