KAWLRALKAP PAWL AN I FAHSAK TUK, A CELH TE AN CELH TI LO

Ralhrang kawlralkap an celh ti lo. Ramdang media pawl an hrocang hna. Cozah chimnak ah Military Council timi bia hmang hlah uh tiah an ti hna. Ralhrang hna nih ramdang thawngzamhtu hna cu Military Council, Military Junta, Junata timi bia hi cozah min chimnak ah hmang ti hlah uh tiah a hro hna. Hi konghe pehtlaiin ralhrang hna nih an chim rih mi cu atanglei bantukin a si.

Ralhrang hna nih kan dirhmi cozah cu UN le vawlei cung ramdang hna nih phungning tein a cohlang mi a si cang i, Military Council timi bia hi ramdang thawngthanhtu hna nih hmang ti hlah uh tiah anmah ralhrang kawlralkap thawngzamhnak le Ministry of Information department hmangin an langhter. Military Council timi biafang nan langhter peng asi ahcun phungning tein dantat khawhnak ding zong phung le lam ah aa tel.

Ramdang thawngzamhnak tthenkhat hna nih vawlei cung mipi theih ah thawngpang hman lo thanh in mipi an hlen hna i, rampi a chiatnak dingin anmah pumpak ruahnak in an tialmi nak cun media zulhphung a sining te he aa keih in tialhi abiapi mi a si. Hi konghe pehtlaiin ramdang thawngzamhtu hna nih an ti vemi cu media zalonnak an tlaih nak a si.

Kanmah nih cun thawngpang hi a sining tein kan tial zamh peng ko lai. Hi bantukin hrocernak hna hi cu a tu lawngah asi ti lo. Ralhrang kawlralkap hna nih nawlngeihnak or mawhphurhnak an lak cang ko ahcun anmah duhning in a tial zamh lomi cu an au hnawh peng ko hna lai. Hi bantuk pawl hi cu cu hlan zongah an ti lengmang mi asi ko tiah an ti ve.

Myanmar government ups the ante with military over political role | Aung  San Suu Kyi News | Al Jazeera

Thawngpang dang: Telenor Company Cu Myanmar In A Chuak Cang Lai. Ralhrang nih nawlngeihnak an lak hnu in Myanmar ramchung pehtlaihnak cu biatak tein rengh a si. Phone line company pawl zong sungh lei an panh deuhdeuh. Cu chungah Telenor company zong aa tel ve. Telenor hi Norway company a si i Thein Sein chan lio 2014 ah Myanmar ah a lutmi a si. A hmangtu nuai 18 leng an si.

MPT, Telenor le Ooredoo hna hi Myanmar ah cun human bikmi phone line an si.Ralhrang nih rikhiah an tuahmi a tam tikah pehtlaihnak lei company an dirhmun a tha ti lo. Cucaah Telenor company cu zuar an timh cang. Ooredoo nih cawk an duh nain fiang tein an chim rih lo. Cun Taluk company cheukhat nih Telenor cu cawk dingin an hal len ve tiah TMT Business media nih a tial.

Be the first to comment

Leave a Reply

Your email address will not be published.


*