KALAY PDF NIH RALHRANG KAWLRALKAP MOTOR AN PHOMH VE CANG

September 8 zaan suimilam 7 hrawngah Kalay peng thlanglei in Kalaymyo lei ah thil phorh mawtaw, private car cheukhat he cawh in a rak kai mi ralhrangbu mawtaw hna cu PDF kalay nih bomb in puah an si tiah Kalay PDF nih an thanh. Ralhrangbu mawtaw hna hi Thauhkyat le Tharyarkung kar ah PDF – Kalay nih bomb in an puah hna hnuah meithal ngan, meithal hme in an kah chih caah ralhrang hna hi tam an thi lai tiah zumh a si.

Ralhrang hna hi nizaan zaanlei ah Kyanta khua ah an lut i, inn 9 mei in an khangh pinah Donwe khua ah hawi a banglo mi pakhat le khuami 2 hna cu zaangfahnak tel bak lo in an thah hba hnuah tiva hor ah an hlonh hna tiah theih a si.September 7 zongah Kalaymyo thlanglei Kyaukphu le Donwe khua kar ah ralhrangbu hna cu,

Kalay PDF nih bomb in an puah hna ruangah ralhrang 4 an thi, 10 leng an i hliam tiah theih a si.PDF-Kalay nih ralhrangbu a dongh tiang doh kan timh. Mipi zong nih PDF he a si khawhnak lam in tangti dingin PDF Kalay nih thawng an thanh. Ref; PDF Kalay, TCP

ကရင်နီ အမျိုးသားကာကွယ်ရေးတပ် KNDF နှင့် အကြမ်းဖက် စစ်ကောင်စီတို့  ယာယီအပစ်ရပ် | Tachileik News Agency

Thawngpang dang: September 9 zing Hakha bomb puah ruang ah inn a rawk mi tam. September 9 suimilaam 1:00AM tluk i Hakha khuachung Chin Oo Sii sang pawngkam hrawng ah bomb le meithal an puah ca ah inn a rawk mi a tam tiah theih a si.Hi bomb le meithal ruang ah khuami lei in hliam a tuarmi le a thimi cu an um lo tiah thawng kan theih.

Nazaret sang lawng ah Bomb nih a tlakmi hi inn hnih a si i, a dangtu hi cu meithal kuan deuh an si tiah khuami pakhat nih a chim. Meithal le bomb ruang ah kan sang hi inn an rawk ngai. Pathian a tha minung tu cu kan him,” tiah a chimchap. September 7 i an puah mi bomb le meithal ruang ah inn tampi a rawk lawnv si loin khuami pakhat zong fak ngai in hliam a tuar.

Be the first to comment

Leave a Reply

Your email address will not be published.


*