GOOD NEWS: A SUNGLAWITUK HRINGHRAN THAWNGPANG THAR A CHUAK

UK Parliament nih NUG Theihpi Ding in UK Cozah a Forhfial. UK Parliament nih Myanmar phungning cozah ah NUG theihpi ding in le SAC hi official cozah bantuk in siter lo ding in UK cozah sin ah forhfialnak a tuah, tiah VOA nih nihin zaanlei ah a ttial. UK parliament nih NUG theihpi ding in a halnak kong cu UK ramleng vuanci zung nih cathanh a chuah i, “Myanmar ramchung miphun vialte buaktlak covo tinco ding timi NUG dirhmun kan hmuh caah atu bantuk in kan forhfialnak a si,” tiah a langhter.

Cu lawng si loin “NUG hi hmailei Myanmar ram cozah ah ruah buin pehtlai a herh bantuk in uknak a ramhtu ralbawi pawl kan dirpi hna nakhnga lo abiapi tuk,” tiah cathanh ah an langhter chih. Cun, Myanmar innpa ASEAN ram pawl he kutsih in rianttuan tik ah Myanmar ramchung i ramkhel thongtla pawl thlah an si nakhnga kan chimrel zong a hau tiah an ttial chap.

Myanmar ralkap ralhriam cawk/zuarh phihkham khawh a si nakhnga UK nih a hruaimi ralhraim phitkhamtu bu ser ding zong in UK cozah sin ah forhfialnak an tuah. SAC nih NLD kut cung in uknak an chuh hnu ah UK nih Myanmar ralbawi tampi dantatnak a pek cang hna i kanhnu July 6 zong ah khan Min Aung Hlaing le Soe Win dantatnak a rak pek chap hna. Credit: The Chin Journal

Thawngpang dang:Kachin ram raldohnak ah, Chinpa Ralkap a ttuan liomi cu a nunnak a liam tiah theih a si. Nihin July 16, 2021, Kachin ram raldohnak ah a nunnak a liam hi a si. A nunnak a liammi pa hi a min ah Mung Biak Sang a si. A mah hi Nupi zong a ngei rih lomi a si. Tedim peng, Cikha khua mi, Pu Thawng Za Khawm le Pi Man Suan Niang hna hi an fapa a si tiah an chim.

Amah hi tulio ralkap nih rampi uknak an lak zong ah hin CDM tuah loin a um ve. Cun Kachin ram lei raldohnak ah an kal ter ve mi ma si tiah theih a si fawn. Tuimang Vontawi Cikha khua a teng Pa Thang Za Khawm leh Nu Man Suan Niang te tapa nihna Tg. Mung Biak Sang in tuni-in Kachin State agal kuan na pan lam-et loh pi-in galsung ah anuntakna hong beisan ta cihthu kiza hi”.

A mah hi Tlangval note asi. Ralkap a tlak hnu in Khua zong a rak phan kho ti lo tiah cheukhat catial mi ah hmuh a si. A thawngpang tialnak taang ah comment cheukhat cu thinlung a suk pah ngai, cun a cheu nih “CDM a tuah lo maw, Ralkap sin ahcun ziah a um peng, Mipi lei ah pei a rak dir ve diam ding a si cu. CDM tuah sehlaw nihin raldohnak zong ah a thi hnga lo” ti bantuk biachim mi tete zong an um len.

Be the first to comment

Leave a Reply

Your email address will not be published.


*