AUNG SAN SUU KYI ZAWTNAK ANGEI MAW? A SIHNI NIH A CHIMMI BIA

Aung San Suu Kyi zawtnak angei maw ngeilo timi an langhter. Nizan le tuchun hi Aung San Suu Kyi cu biaceihzung ah a chuak dingmi asi. Asinain August thla thok lei ah an thawn asi. Hi kongah Aung San Suu Kyi cu a ngandamnak a that lo ruangah siseh zawtnak covid angeih ruang ah a si lai tiah thawngpang a leng.. Hi konghe pehtlaiin Aung San Suu Kyi a sihni nih atanglei bangin a chim.

Asihni nih a chimmi cu thil a rak cahmi ah hin Tiksik an-hnah phun lawng a rak cah. Si le ai lei kongah a cah mi a um lo tiah a chim. August nikhat tiang dawr le zung pawl khar asi lai caah August nihnih le nithum ah biacaihzung chuah ni cu thawn asi tiah Aung San Suu Kyi a sihni Daw Min Soe nih BBC thawngzamh nak ah a chim. Tuzing ah biaceih zong phone kan chawn hna.

Cu ahcun thawngpang kan rak in thanhte hna lai tiah aa kan chimh i, Suimilam pahra hrawng ah biaceihzung chuah ni caan cu thawn asi tiah aa kan chimh tiin a chim chih. Aung San Suu Kyi covid zawtnak angei timi kongah bbc thawngzamhnak nih biahalnak an tuah i, Aung San Suu Kyi nih hitihin aleh hna. Angandamnak a tthalo timi kongah Police officer kan hal hna i, covid angeimi an um lo tiah aa kan ti.

Zawtnak angei timi hi a si lai lo. Nizan tiangah a thil cahmi kan kuat zongah ei le din le thildang aharhmi lawng asi i, Sii ai lei cu angeih rih caah a cahchap lo. Curuangah a ngandamnak cu a tha ko ti khawh asi. Asinain kan hal chin hna i, biadik taktak cu chim khawh asi lo tiah lehnak atuah. Aung San Suu Kyi cu atu ahhin case panga in bia an ceih cuahmah lio asi.

Thawngpang dang:Ralhrangbu Nih Rallokap A Lut Kho Ding Cu Tangruk Aung In Tangli Aung Ah An Thumh Ralhrangbu nih rampi nawlngeinak an lak hnu ah rallokap a lut duh mi an tlawmtuk cang caah mithar kawl ah buainak tampi an ton caah cacawnnak lei ah tang 4 a awng mi poh luhk khawh dingin a thumh. Mah hlan ah rallokap ah a lut khomi hi tang 6 awng a si lai tiin ralhrangbu nih an rak khiah mi a si.

Atu cu a hlan bantukin mithar kawl a fawi ti lo caah tang 6 awng in tang 4 awng ah an thumh mi hi a si tiin hmun tampi ah mithar kawl rian a rak tuan bal mi rallokap hlun pakhat nih a chim.A hlan ahcun rallokap nih ‘standard army’ a si khawhnak dingah timhnak a ngei caah fimthiamnak lei zong ri a rak khiah,rallokap an tuan pah zongah an duh ahcun cacawn pah khawh a si.

Ralhrangbu nih uknak an lak hnu ah an riantuannak duhlo in cozah riantuan, palek le ralkap tampi CDM ah an lut.Mah caah mipi le ralkap pehtlaihnak a hlat,a rawk chinchin i ralkap a lut mi zong an zor ngai.Cheukhat hmun ahcun ralkap an i daih lo ruangah ralkap hlun pawl zong an lak than hna, ralzaam hmun cheukhat ah a ummi hna zong pitusit ah hramhram an tuan ter hna tiah theih a si. Ref; MPA, TCP

Be the first to comment

Leave a Reply

Your email address will not be published.


*