APOI KO, MIN AUNG HLAING NIH MIPI THAH DIH A TIMH CANG

Min Aung Hlaing nih ram mipi thah dih aa timh cang. Ralhrang kawlralkap hna nih cunglei raltuk cawnnak caah cuai 50 a ritmi bomb zakhat an timhlamh cang. Hi konghe pehtlaiin thanhnak an tuahmi cu Meiktila Airforce training nak hmun cuai 50 a ritmi aircraft bomb zakhat cu nizan ah an lak cang, Hihi hmun pakhat khat ah raltuk cawnnak caah hman asi lai tiah CDM a tuahmi Captain U Tuta nih a chim.

Hi bantukin cunglei raltuknak vanlong Jet fighter caah hman dingmi aircraft bomb zeimawzat an i timhlamh mi hi a rauh hlan ah thiltuah an timhmi asi kho. Mah mipi thah dingin an i timhlamh mi a si. Vanlong a mongtu hna zong nih nan ruah a hau cang. Ralkap training tauh hi mipi lak ah bomb ding ti a si lo tiah a chim chih.

Cuai 50 a ritmi bomb tutan ah ralhrang kawlralkap hna nih training tuahnak caah hman an timh mi hi a thaazaang a thawng taktak mi a si. Voikhat an thlak or puah ah hin meter zahnih chung ah tthawng taktak in a thaazaang a kal kho i, hmun khat ah an thlak puah le bang ahcun meter thongkhat renglo tiangin a thaazaang a tthawngmi asi tiah an chim.

Myanmar junta chief Min Aung Hlaing says this coup is 'different' - Nikkei  Asia

Thawngpang dang:CDF-Hakha cu aho nih a dirkamh? CDF-Hakha cu ramchung lawng siloin vawlei khuaza ummi Hakha pengmi le Hakha peng chung khuasami poah nih thla khat ah $ 100.00 thawh in bawmh le dirkamh a si. Biaknak bu hna le a dangdang khua le pengtlang hna zong nih dirkamh a si (A min langhter awk a tha lo.)

CDF-Hakha dirkamhnak caah Hakha CDF Support Team of North America (CDFSTNA) cu tha tein committee dirh a si. Cu nih cun US le Canada ummi hna cu a si khawh chungin pehtlaihnak ngeih in rian a ṭuan. Cu committee tawlrelnak in August 2021 chungah $ 35,000.00 kuat a si. Lewisville, TX area ummi hawikom bu pakhat zong nih Kyats sing 40 renglo an kuat ve. Hi riantuannak ah chan khat chuak Lai pasal le nusal nih tel ve lo ding cu nan lungsia a rem lai lo caah thazaang chuah khawh cio i zuam hram u sih.

Cun August thla caah thazaang chuahtu (pumpak, chungkhar, khua, le pengtlang, khrihfabu hna) dihlak cungah CDFSTNA nih lawmhnak chimcawklo kan ngei. Like pek le share khawh cio i zuam hram hna u si.Pathian sermi tlukrualnak le dinnak a ṭanhmi poah nih hi rianṭuannak cu an dirkamh i Pathian nih a kan umpi lai i hi kan dothlennak zong kan tei hrimhrim lai tiah a zummi nih thazaang chuah a si. Credit: The Hakha Times.

Be the first to comment

Leave a Reply

Your email address will not be published.


*