AN LUNG DONGH NAK LE RUAHCHANNAK AN NGEIH LONAK NUG NIH A PHUAN

NUG cozah cu ASEAN cungah a lungdong ruangmang cang. ASEAN cung ah cun ruahchannak kan ngei ti lo tiah NUG ramdang lei vuanci a pahnih nak nih a chim. ASEAN nih hin NUG he bia I chonh biaknak tuah lo in ralhrang kawl ralkap lei he lawng an I chawnh biak caah an tuah sermi zei rian cung hmanh ah ruahchan nak kan ngei ti lo tiah NUG cozah ramdang lei vuanci a pahnih nak a si mi U Moe Zaw Oo nih June thla ni 4 ah a chim.

ASEAN ram chung hmanh ah Kawlram konghe pehtlai in hmuh ning in khuaruah nak an I dan hna caah Kawlram konghe pehtlai in Special Embassador thim ding cu a tu tiang an thim kho rih lo tiah a chim chap. Kawlram kong ah ASEAN nih hin biatak tein khua ruah I, thatnak ding caah zuam piak si lo in a phungmen in rian an tuan mi a si ko tiah chim khawh a si tiah vuanci nih cun a chim.

Hi konghe pehtlaiin A luancia mi April thla ah an rak tuah mi meeting lio ah Kawlram konghe pehtlai in biachah or hnatlaknak phun nga an rak tuah. Asinain hnatlaknak biachahnak an tuahmi zong Ralhrang Kawl ralkap lei nih zeihmanh an zul lo tiah theih asi. Ralhrang kawlralkap cozah konghe pehtlaiin a cunglei bantuk ASEAN cungah an lung adonghnak or ruahchanak an ngeih tilonak an langhter hi a si.

Dr.Sasa le Dr.Lian Hmung Sakhong Cu A Biapi Taktakmi Hmun ah Rian An Khinh  Hna -

Thawngpang Dang:Ralhrang kawlralkap nih Chinmi minung pasarih hna cu tukdohnak hmun ah ralsar an tarh hna. Mindat CDF le ralhrang kawlralkap i kahnak ah ralhrang kawlralkap nih an tlaihmi minung pasarih hna cu ralsar ah an tarh i, an himnak dingah an i khamnak tiah theih asi. Hi konghe pehtlaiin thawng thanh nak an tuahmi cu a tanglei bantuk in a si.

Tuni June thla ni 5 zinglei ah Mindat peng May Lay Kung khua ah ralhrang kawl ralkap le Mindat CDF i kahnak ah a chuak. Tuzing i kahnak ah ralhrang kawlral hna nih an tlaihmi minung pasarih hna cu hmai ah an chiah hna i, ralsaar ah an tarh hna i, an i khamnak ah an hman hna tiah Mindat CDF lei in tuanvo ngeitu pakhat nih Mizzima thawngzamh nak a chim.

Hi konghe pehtlaiin an langhter chih rihmi cu nizan zongah i kahdohnak a um. May Lay Kung khua in Shwe Aung Tha lei ah ralhrang kawl ralkap pawl cu kal an i timh caah CDF lei nih kan doh hna. Vanchiat ah ruah a sur I meithal pawl kan puah kho lo. Tuzing zong ah I kahnak a um I cu ahcun May Lay Kung khuami minung 7 hna cu ralhrang kawl ralkap lei nih an tlaih hna i, I kham nak ding caah an hman hna tiah a chim.

Hti Lin le Kyaut Thuh khua karlak ah a um mi Shwe Aung Tha khua ah ralhrang kawl ralkap lei nih ralkap thaazaang minung 80 chap ding in zahan June ni 4 ah May Lay Kung khua in an vun I thawh I cu ahcun CDF lei nih kan bawh hna an kan kah hna. ralhrang kawlral Ralkap lei nih hriamnam ngan RPG an hman caah I kahdoh nak cu a fak ngai I PDF lei in minung 3 an thi thiah theih asi.

Be the first to comment

Leave a Reply

Your email address will not be published.


*