TUNI THAWNGPANG CU MIN AUNG HLAING ZONG A CELH BAK VE LAI LO HIH

Sungh zatlak puicimhnak nih Min Aung Hlaing cu atuah hoi ko. Tamtuk a nau le an thih pin ah hriamnam tamtuk an lakpiak rih hna. Tuni August ni 31 ah MNDAA nih teinak an hmuhmi an vun langhter. Shan ramkulh Mongko peng chungah ralhrang kawlralkap le MNDAA hna cu fak ngai in i kahnak a chuak i, ralhrang kawlralkap lei tamtuk an thih pin ah hriamnam tamtuk an chuh rih hna.

MNDAA le ralhrang kawlralkap hna cu nili chung an i kap i, tuzing tiangah i kahnak pehzulh a si rih. Hi i kahdohnak ah hin ralhrang kawlralkap hna cu KIA le MNDAA fonh in an tthuat hna. Asinain ralhrang kawlralkap lei a thimi zat hi an langhter lo nain tthenkhat nih cun ralhrang kawlralkap lei a thimi hi a tlawmbik minung zakhat cu an si lai tiah an chim ve.

No description available.

Mipi zohkhawh ding le hmuh dingah MNDAA nih ralhrang kawlralkap an kahthah mi hmanthlak tthenkhat le ralhrang kawlralkap hriamnam tamtuk an lak chuhmi hna hmanthlak an langhter. Hriamnam an lakmi hi meithal zun zeimawzat le bomb kahnak cun bomb phunphun, cun kuanfang tam taktak le thilri tamtuk an lak. Tutan ah an chuhmi hna hriamnam hi aman cu a ting thong cu asi lai. Asinain anmah lei a thimi le hliam atuarmi zat tu cu an langhter lo. Biachap. Nikhat hnu nikhat in Min Aung Hlaing hi a sung chin lengmang ko cang.

No description available.

Thawngpang dang: Thlakhat chung an cawlcanghnak ralhrang kawlralkap he an i kahnak kong KNU nih an langhter cang. Tuthla August thlachung ah ralhrang kawlralkap le KNU hna cu voi 130 tluk an i kap. Hi i kahnak thlakhat chungah ralhrang kawlralkap lei in minung 118 an nunnak a liam i, hliam a tuarmi hi minung 58 an si tiah tuni August ni 31 ah KNU nih mipi sin ah tlangzarhnak an tuah.

Ralhrang kawlralkap le an ttuanpi hawi a si mi BGF hna nih Karen ramkulh Phapon peng chungah KNU umnak hmun cu lak an timh i an kal hnawh lengmang hna. Asinain KNU hriamtlai hna nih ralhrang kawlralkap le an hawi hna cu an kah lengmang ve hna. Tuthla chung August nikhat in thawngthanhnak tuni an tuah tiangah voi 130 an i kap i, ralkap lei 118 an thih pin ah minung 68 hliam an tuar.

Hi an i kah chungah KNU hriamtlai chungin KNLA chungtel minung panga hliam an tuar. Cun ralhrang kawlrlakap hna nih hriamnam ngan in an kahmi ruangah khuami inn paruk akaang i, khuami minung pakhat zong a nunnak a liam pin ah minung zong an tlaih rih hna. Tuthla chungah ralhrang hna nih KNU lei umnak hmun hi lak an timh nain an la kho lo. Minung 118 tu an nunnak a liam.

Be the first to comment

Leave a Reply

Your email address will not be published.


*