THONGTLA DIRHMUN RALHRANG NIH THANHNAK AN TUAH VE CANG

Thong chung ah Covid 19 zawtnak I chawnh ruang ah a thimi minung 6 an si tiah ralhrang kawlralkap lei nih thawng an thanh. July ni 20 tiang thongchung kip fonh ah Covid in a zaw I sii a thlop lio mi hi minung 208 an si i, Covid ruang ah siizung in a chuak cang mi minung 152 an si I a thi mi hi minung 6 an si cang tiah ralkap lei nih thawng an thanh.

Kawlram pumpi thong inn pawl ah Covid in a zaw mi minung 375 an si I thong sii inn pawl ah kan thlop lio hna asi tiah thawng an thanh nak ah cun an talh chih. Covid a ngei nain thong in chuah ni a tlin caah a chuak cang mi hi minung 9 an si cang I a zaw lio mi pawl zong thlop lio an si tiah ralkap lei nih cun thawng an thanh chih. Thong inn ah chiah a tong mi siibawi cheukhat le Yangon Vuanci pa U Phyo Min Thein hna zong Covid in an zaw hna tiah thawng pang a um.

Thawngpang dang: U Nyan Win ruak cu Yangon siizungpi program ning in vui asi lai. Covid 19 ruang ah Yangon siizungpi ah a thimi NLD party a lulei U Nyan Win I a ruak cu Yangon siizungpi program ning in vui ding in timhtuah nak kan ngei tiah a lawyer pa nih a chim. U Nyan Win cu thongchung ah an chiah lio ah Covid nih a tlak nak hi asi I tuni July ni 20 zinglei nazi 9 hrawng ah a thi tiah theih asi.

Saya pa a thih cang caah hin ralkap lei nih အမှု an phunh mi cu a dih cang ti nak si ko tiah U Nyan Win lawyer pa nih cun a chim. U Nyan Win cu Febuary ni 1 ah khan tlaih a tong ve mi asi I CRPH cu ka cohlan I ka dirkamh tiah ca chuah mi kong he pehtlai in ralkap lei nih pohma 505 in taza an cuai tiah a chungkhar pakhat nih facebook ah a tial.

U Nyan Win cu a thih ah kum 79 asi cang I zawtnak dang pawl a ngei mi asi tiah theih asi. Thong chung ah Covid nih a tlak I July ni 11 ah Insein thawng in Yangon siizungpi ah an thial I a ni 9 nak ni ah a thih hi asi. U Nyan Win cu Aung San Su Kyi inn thong ah thlak a rak ton lio zong ah Su Kyi caah shihni a rak lak piak tu asi.

Be the first to comment

Leave a Reply

Your email address will not be published.


*