RUSSIA NIH GENERAL SOE WIN HI DR AN RAK PE VE TE HNGA MAW

Tuni arkhuang in kawlralkap bawi sang Deputy Military Chief/Vicer Chairman of State Administration Council/Vice Senior General Soe Win cu Russia ram panh in a choi cang. Tutan General Soe Win Russia a kalnak a ruang bik cu International Army Games-2021 caan hman ah a si. Hihi Russian Defense Minister General Kuzhugetovich Shoigu nih a sawm caah akal hi a si tiah an langhter.

General Soe Win cu Lieutanant General Aung Soe le Senior Military officer hna nih an zulh. An kal lai ah ralhrang kawlralkap bawi lutlai pawl Min Aung Hlaing zong nih Naypyidaw Airport tiang a thlah hna ti a si. Tuan deuh zongah General Maung Maung Aye zong Russia ah a rak kal cang. Arak kal lio ah hin Russia nih hriamnam le Air defense system 2.3 billion man an rak cawkter ti a si.

May be an image of one or more people, people standing, military uniform and outdoors

Russia le Kawlram hi ralkap lei ah a liamcia kum 2010 thok in biatak tein pehtlaihnak an rak ngei cang. Russia nih kawlralkap hna sin ah Army Training le Military Scholarships zong a rak pek i, ralkap lei cun biatak tein a bawmh hna ti asi. Culawng siloin ralkap nih uknak an lak hnu le bang cun an i pehtlaihnak attha chinchin tiah an chim chih.

Biachap.Min Aung Hlaing Russia a rak tlawng lio ah Russia nih Min Aung Hlaing cu upatnak ah tiah Doctorate Degree an rak pek. Tutan ah a kalmi General Soe Win zong hi Doctorate Degree an pek te khawhmi asi tiah a chimmi an um len. A rak tlun tikah cun General Soe Win ti siti loin Dr. Soe Win ti zong a si te kho mi asi.

Thawngpang dang: Tulio ralhrang kawlralkap pawl Chinram chung hmunkip ti awk ah atu le tu ti awk in helicopter an ttum lengmang mi hi thil pakhat khat cu tuah an timh lai timi a fiang ngaingai. A liamcia tuan deuh ah ralhrang kawlralkap pawl Helicopter Laitlang hmunkip kaa kip ti awk an rak ttum i, caan hmanh a rauh hlan ah kahdohnak a rak zual ngaingai.Tutan zong nizan he tuni he Laitlang khuapi tthenkhat ah ralhrang kawlralkap Helicopter an vun ttum ngaingai cang. Tuni zanlei zongah Kanpelet ah ralhrang kawlralkap helicopter a ttum bak. Tuzan lei helicopter a ttummi hi a rauh hlan ah a kir colh.

Falam tthiamthiam zong ah helicopter cu nikhat lawngah voili attum tiah an chim. Hi konghe pehtlaiin nizan zongah ralhrang kawlralkap helicopter cu Chinram kulh Tonzang ah a ttum hoi cang. Tonzang i ralhrang helicopter a ttummi cu hriamnam pawl a rak chia hna tiah thawngpang theih asi. Asinain Falam le Kanpelet ah a ttummi helicopter hi zeidah a rak chiah i, a rak phurh timi theih asi. Asinain hriamnam ttheu asi lai tiah mipi ruahnak a um.

Be the first to comment

Leave a Reply

Your email address will not be published.


*