KAWLRALKAP CHUNGKHAR HNA NIH BIATHLI AN PHUAN TTHAN

Ralhrang kawlralkap chungkhar hna sin in thawngpang a chuak. Ralhrang kawlralkap minung pahra hna cu Pakistan ah raltuknak vanlong mongh an cawng tiah thanhnak an tuah. Raltuknak vanlong mongh a cawngmi ralhrang kawlralkap nih an thlahmi minung pahra hna cu thlaruk chung Pakistan ah vanlong mongh an cawng cuahmah tiah an langhter rih.

Hi konghi anmah ralhrang kawlralkap hna chungkhar sin in theih mi asi. Taungu based airforce deputy colone Aung Min Oo hruainak tangah Air Force ralkap minung pahra hna cu JP 17 raltuknak vanlong mongh an cawng i, June ni 21 in January ni 22 tiang Pakistan ah training an ngei lai, a tuhi training an tuah cuahmah lio a si cang tiah theih asi.

Hi konghe pehtlaiin a liamcia kum 2016 ah ralhrang kawlralkap hna nih China-Paskistan serchuahmi JF-17 Thunder FC-1 pakhat lawng hmanh ah US dollar in 16 million man cu 16 cawk dingin hnatlaknak an tuah cang tiah mizzima thawng zamh nak nih a langhter. Naite zongah raltuknak vanlong cu ralhrang kawlralkap sin ah Russia nih a kuat cang tiah theih a si.

May be an image of aeroplane and outdoors

Thawngpang: Aung La Nsang nih teinak a hmuh hnu ah ralhrang kawlralkap pawl bia a cah colh hna. Teinak a hmuh ah Aung La Nsang nih a chimmi cu Kawlram cozah nawlngeitu ralkap hna nanmah zawn lawng i ruat loin kawlram mipi hna an hmailei caan ruahpiak hram hna uh tiah a chim. Hi konghe pehtlaiin biahalnak a chim rih mi cu kan i phomh hlan ah Ataides nih a ka tih tiah a chim. Ka ttih loning cu ka langhter colh i, puai thoka in ka nawr. Ka chim lawlaw asi ahcun One Champion Middleweight ah hin mizei hmanh ttihmi ka ngei lo.

One Championship ngeitu Chatri sin ah ka chim mi cu na duhmi ahopaoh ka caah na timhlamh khawh colh, Kei cu timhcia peng ka si ko tiah ka ti. Champion ka silio ahcun a duhmi paoh nih an ka ngiar ko. Yuskhin Okami zong nih thonghpi aka duh i, Bigdash zong he avoithumnak i thuat angah. Zoh a dawh lotukmi puai (Ridder kong a chim duhnak) cu mizeihmanh nih an zoh duh lai lo. Cucaah mipi duhmi puaipipa tuah khawh asi. Zeibantuk mipi zong nih a zohdawhmi cu an duh dih.

Curuangah puai zohnuam deuh tawlrel hna seh, Cubantukin keimah zong one championship mipi hna nih an zohduhmi puai ah i thuat ka duh.Hibantuk dirhmun in kawlram mipi caah thla ka campiak duh. Tukum cu kan zapi caah dirhmun athalomi kum harsa asi. Abik in tulio kawlram mipi an harsat tuk lio caan ah Gym kal zong kai harh ngaingai. Kawlram mipi caah thla rak kan campiak cio ulaw tuah khawhmi nan ngeih asi ahcun tuahpiak hna uh, Nawlngeitu hna zong mah zawn lawng i ruat loin mipi hna an hmailei ca ruahpiak hram hna uh tiah a chim.

Be the first to comment

Leave a Reply

Your email address will not be published.


*