HMUN CIA BAK IN KIA NIH RALHRANG KAWLRALKAP AN PHOMH HNA

KIA nih ralhrang kawlralkap cu an bawh hna i, an motor he an rat cuahmah lio ah an kah hna. Hi konghe pehtlaiin thawngthanhnak an tuah mi cu KIO central zung pi umnak Laiza pawng ah ralhrang kawl ralkap hna nih ralkap thaazaang an rak chap. Ralhrang kawlralkap hna nih thaazaang chap dingin an rak rat lio ah atubantuk in an kah hna hi a si.

Ralhrang kawlralkap hna nih thazang chap ah a rak kai mi mawtaw cu Doh Phung Yan an phak ah KIA lei nih lampi ah an rak bawh hna i an kah hna tiah theih asi. June thla ni 18 zinglei nazi 10 le cheu hrawng ah Banmaw lei in a rak kai mi ralkap mawtaw 7 cu Doh Phung Yan phak hlan deuh ah KIA lei nih bomb an puah hnawh hna I a khawng mi an um le um lo cu theih khawh asi rih lo tiah khuami pakhat nih KNG media ah thawng a pek.

Ralhrang Kawl Ralkap lei nih Alawbum cu lak than an timh caah eidin ti rawl le hriamnam pawl cu Banmaw lampi in an thir len tiah a chim chap. Cutin thil a thir leng mang mi ralhrang kawl kralkap mawtaw pawl cu KIA nih tu le tu an kah leng mang hna tiah teih hna asi. Tuni kahdohnak ah minung zeizat dah an nunnak aliam timi tucu an langhter chih lo.

May be an image of 2 people, people standing and outdoors

Thawngpang Dang: Thantlang peng Khualhring tlaang ralzam zohkhanh dingin kan Unau Falam hna nih tawlrel an timh. Thantlang peng Khualhring tlaang ah ralhrang kawlralkap le CDF i kahnak ruangah minung 600 hrawnghrang hna cu Falam peng ah an zaam hna tiah theih asi. Cu a zammi hna cu Falam upa pawl hna nih a si khawh chungin zohkhanh dingin committee an dirh cang.

Ralzaam zohkhanh dingin an dirh mi buu cu a min ah Falam Township IDPs Management Team ( FTIMT) tiah an bunh. Hihi Christian Ministers Fellowship le zatlaang buu hruaitu hna tawlrelnak in dirhmi buu a si. Falam peng chungah ralzam pawl tawlreltu dingah an dirhmi cu Central Committee for Chin IDPs Help he zong ttuantti lai.

Atu bantukin ralzaam zohkhanhnak buu an dirhh bak in an mah chung lila in ralzaam caah tangka an i kholh hna i, a tu hi tinghra renglo a chuak cang. An i thawh khawmmi tangka hmangin ralzaam caah aharh mi ei le din le thilri an cah colh. Hi ralzam zohkhanhnak dingah ramchung ah a ummi le ramleng a ummi hna zong rak i tel cio dingin sawmnak an tuah chih.

Thantlang CDF le ralhrang kawlralkap i kahnak ruangah a zammi minung 600 hrawng hna cu Leilet khua ah an um hna i, a dang minung zakhat hrawng cu Falam peng chungah i dornak an kawl ve hna. Tthenkhat cu mizoram Farkawn khua pawngah a ummi zong an um. Hi konghe pehtlaiin tutan ah ralzaam hna zoh khanh dingin hruaitu thimmi le tawlreltu hna cu a tanglei bantukin an si.

FTIMT țuanvo ngeitu pawl cu Coordinator Salai Nhgepi Thian Uk Thang (CCCIH), Joint Coordinator Pu Za He (CCCIH), Joint Coordinator 2 Sm Bawi Nei Cuai (Bingbi group). Sector 6 țuanvo nei pawl cu Food and Shelter Sy Lalawmpui (FMP), Sy Ram Lian Thang (FCC YF), Data and information Salai C. Dik Thang le Salai Ezra (FMP), Health Care Sm Țial Kip Hoi (CRCDF) le Sy Tuak Sang (Red Cross), Finance Pu Hrang Lawm Thang (GCO) le Rev. Dr. F Thiam Uk (FCMF), Logistic Pu Van Siang Thang le Pu Hrang Za Lian (Falam Pacang no), Psycho/Social Support Rev. Ye Aung le Rev. Thang Za Khum (FCMF) pawl an si.

Sector hnațuan pawl cak sin dingin Food and Shelter Sy Khua Za Kim, Pu Van Nei Thawng, Salai Van Lal Cem Bik, Data and information ah Salai Lai Lian Hmung, Mai Annie Kim, Salai Obed Lynn, Health Care ah Sm Ei Phyo Wai, Sm Lal Nei Kim, Sm Nei Za Iang, Finance ah Pu Dar Lian Uk, Sy Nang Sian Mung, Pu Cung Uk Peng, Logistic ah Rev. Hrang Tho, Pu Min Kyaw Naing, Pastor Hrin No Uk, Pastor Philip Lian Uk Thang, Psycho/Social Support ah Rev. Dr. Joel Za Hlei Kap, Rev. D Vai Lian Zul, Rev. Dr. Mang Hup Luai hna zong sawm dingin biachahnak an tuah tiah theih asi.

Be the first to comment

Leave a Reply

Your email address will not be published.


*