GOOD NEWS: THAWNGPANG TTHA A CHUAK COLH CANG

Kawlram Caan karlak Cozahthar a simi National Unity Government (NUG) nih Ralkap Bu thar, People Defense Force a rak dirhnak kong cu rampi theih in kan hnu zarh ah thawngthanh nak a rak tuah cang. Tuni May 10 zan lei ah khan Sagaing People Defense Force nih cun Min Aung Hlaing hruaimi Ralkap an kah cang hna. Hi kong ah an mah Sagaing People Defense Force-SPDF nih cathanh chuah in thawngthanh nak an tuah mi a si.

Tuni may 10 zaan suimilam 7pm ah khan Tanhsay pengkulh ah Ralkap Council pawl cu faktuk in kan kah hna, Ralkap Council le minung 3 an thi i a dang tam ngai ngai nih hliamhma fak an tuar tiah an langhter. Nihin may 10 chun suimilam 11am hrawng ah khan Ralkap Council cu khuachung ah an lut, inn lo an hrawh, mipi an tlaih hna ruang ah People Defense Force lei nih kan kah hna hi a si tiah an langhter fawn.

Cun Ralkap Council nih a rannak in surrender an tuah nak ding le Mipi sin ah ngaihthiamnak an halnak ding, Ralhrang thil tuah mi ngol in mipi le Cozah thar sin ah an i ap nak ding ah forhfial nak zong an langhter fawn. Tutan an i kahnak konghe pehtlaiin thanhnak an tuah Hmanthlak kan tarlangh mi hi People Defense Force nih cathanh an chuah mi cu asi i, a tang i hi a si.

No description available.

Thawngpang Dang: KNU Chairman a simi Saw Mutu Say Poe nih cathanh a chuahmi cu European Karen Network nih cohlan khawh a si lo tiah May 10 ah cathanh chuah in lehnak an tuah colh.KNU Chairman Saw Mutu Say Poe nih cun NCA zulhphung ningin kan zulh lai a ti pinah ramkhel buainak hi hriamtlaih in tuahremh si loin cabuai cung biaruahnak in kan tuahremh a hau tiah cathanh a chuah.

KNU Chairman cathanh kongah European Karen Network nih KNU Seal aa tel lo caah hi cathanh hi mi pakhat ruahnak lawng a si tiah an cathanh ah an tial. Hi cathanh hi kan cohlan lo lawng a si lo, kan lung a rawk chih tiah EKN nih an thanh.Cu lawng si loin European Karen Network cu mipi lei ah kan dir peng lai. Mipi cungah a dik loning in a tuahmi cu kan doh lai tiah an cathanh ah cun an tialchih.

Tlangcung hriamtlaibu vialte le rammi vialte nih ralkap thalo hna dohnak le hrawhnak dingah an i zuam cuahmah lioah atu bantuin KNU Chairman nih cathanh a chuah cu khuaruahhar a si ko.KNU ruahnak le duhnak maw a si, amah pumpak ruahnak le duhnak lawng dah a si? Amah pumpak ruahnak lawng a si ahcun KNU Chairman in ngolter ding. hrimhrim a si. Hi bantuk ruahnak a ngeimi nih cun duhsah tein a hruaimi vialte a hrawh dih hna lai.Than Lwin Khet

Be the first to comment

Leave a Reply

Your email address will not be published.


*