GOOD NEWS: CNA RALKAP THAWNGIN RALHRANG 15 AN THAH HNA

Raltuknak ah SAC ralhraang 15 kan thah khawh hna, CNA nih an kan bawmh tiah Gangaw-PDF nih an thanh. Nihin September 10, Zinglei ah, Gangaw peng, Hnankha khuate pawng ah PDF-Gangaw le CNA i bawm in Council ralkap he kahdohnak a chuak i Council ralkap 15 hrawng an thi, tiah PDF-Gangaw nih a thanh. Gangaw peng Myinthar khua ah sualnak ngei lo khuami hna le khua rungvengtu mino hna an thihnak cung ah Gangaw PDF nih lehrul kan cham khawh,” tiah an langhter.

Nihin raltuknak ah CNF in ralkap 10 nih a kan bawmh mi cung ah, lunglawm hmaihngal ngai in roca kan tial, ti zong an langhter. Nihin raltuknak hmun ah rammi ralkap lei in a thi mi le hmapu an um lo.Cu bantuk in SAC ralkap an thih ca ah, SAC ralhraang pawl cu thazaang chap in Hnankha khua chung ah an rak lut than i inn 36 mei in an khangh hnu ah zaanlei sang ah an kir than. Kannih Gangaw PDF cu, dothlennak hlawh a tlin tiang rammi ca ah zumhtlak tein kan tuan peng ko lai tiah bia kan i kam,’ ti zong an thawngthanh mi ah an langhter. THP

No photo description available.

Cabiadang: Raltuknak Thawngthanh Kongah Lai Thluak In Tuak Hlah Usih!A tulio kan ram chung i kahdohnak kongah ka ruah ning le ka hmuh ve ning cu,”Hakha ah CDF le Ralhrang an ikap tiah mi pakhat nih a dik ning te in a post. A post hlanpi khan ralhrang pawl nih an central ah chenan an tuk diam cang hna ti kha mipi kan ifian a herh.Chin mi nih a post ruang ah ralhrang nih an ikah kha an theih a si lo,an mah ralhrang nih cenan an tuk hna ruang tu i an theih mi khi a si.

Cucaah, Lungler ah CDF nih Ralhrang sakhan an kah ti mi kha a dik mi a si caah a post mi nih an i kahnak kong a post tik ah mawhchiat awk ah kei ka ruat lem lo. Amah belte khua le khua kar an i kahnak pawl belte tu cu an i kah dih hnu, Thawng fiang theih dih hnu laengah an i kahnak hmun le an i kah ning pawl ttial ah a ttha hnga. Cuhlan paoh cu khua kar i kahnak cu a hmun langhter rih lo in post ding tu khi a sihnga,cucu a dik ning deuh a si in ka ruah fawn.

Cucaah, Chinram chung i ,Falam ah maw Mindat ah maw, Hakha, Thantlang ah maw an i kah ahcun post bak ding ah ka ruah. Nan post lo zong ah ralhrang nih an Central lei an chimh manh diam hna ti kha theih ah a ttha.Khua chung an i kahnak an post ah khan kan miphun ralkap caah ralrinnak tampi a peek chin hna lai i an um nak hmun cio in an rak iralring lai caah thil ttha deuh a si. Nan post ruang ah dalaan nan si,Ralhrang thawng nan thanh hna ti mi cu,Lai tuak in kan hei tuak sawh bia ah kei ka ruah ko hih.Note: Post ding mi belte,Khua chung le khua kar kha tthen thiam ah a ttha hnga. Kailawm By Tin Duh Thang.

Be the first to comment

Leave a Reply

Your email address will not be published.


*