BIATHLI VIALTE AN PHUAN DIH, RALHRANG NIH AN THANH DUH LO BAK LO MI

Ralhrang kawlralkap nih biadik an thuhmi an phuan piak cang hna. Ralhrang kawlralkap lei nih nifatin thanhnak an tuahmi ah an mah ralhrang kawlralkap dirhmun pakhat hmanh an langhter lo. Asinain Myanmar Now nih dotthletnak atuahmi a phuan dih. Mandalay, Naypyidaw le Yangon siseh Mawlamyine ah a ummi ralhrang kawlralkap bawi dirhmun hna atanglei bangin a langhter.

Naypyidaw ah Second General le Region Commandant hna tiangin covid zawtnak an ngei dih tiah an langhter. Cun ralhrang hna nih Home Ministry ah Deputy Minister ah an thimmi le Police superintendent second general Than Hlai le a nupi Daw Khin Thita Wan hna zong zawtnak an ngei i, ihkhun 300 a umnak ralkap sizung Naypyidaw ah an chiah hna tiah a thanh rih.

Hi sizung ah riantu pakhat nih a chimmi cu Police Superintendent le a nupi cu naite khan sizung ah an rak luhpi hna i, a nupi cu ICU ah chiah a si tiah Myanmar Now ah a chim. Cu hi hna nupa an luh hlan zongah Second Army Chief Zaw Min Htet le anupi zong zohkhanh an si. Southeast Command headquaters commander General Ko Ko Maung zong zawtnak angeihnak hi zarkhat a si cang.

Amah hi Mawlamyine ralkap sizung ah zohkhanh a si tiah Mon State based army division 44 ah ralkap bawi nupi pakhat nih a chim. Mah ralkap sizung zong a lenglei in i piah angah ti lo pin ah alenglei mi caah sizung um hrimhrim angah ti lo. Culawng siloin Kachin state Myitkyina based Northern Command headquater ah Major General Myant Tel Oo le amah azohkhanhtu pakhat zong zawtnak an ngei tiah Mizzimi nih a rak langhter cang.

Kawlralkap hna hriamnam serchuahnak hmunpi Pyi khua i hriamnam an sernak ah minung 300 renglo zawtnak an ngei cang i, a nunnak aliammi hi minung pakua an si cang tiah DVB zong nih alanghter rih. Hi a nunnak aliammi vialte langhter mi zong hi ralhrang kawlralkap lei nih pakhat hmanh biadik an thanh duh lo i, zu dinnak ah an thi tiah thawngthanhnak an tuah. Ralkap umnak camp hna cu nifatin in zawtnak an i chawnh hna, thatein i checknak zong an ngeih lo pin ah a thuh bak in an thuh hna. Ralkap umhmun tthenkhat hna cu kal khawh ti lo dingin an kham dih tiah theih asi.

May be an image of standing and outdoors

Relchih:Nizan I Kahnak kong: Kalay PDF lei nih thawngpang fiang an thanh cang. Nizan Kalaymyo Tahan ah ralhrang kawlralkap le Kalay PDF i kahnak kongah Kalay PDF lei in thawngpang fiang an langhter cang. Nizan zanlei suimilam pariat hrawngah Kalaymyo Tahan Sunflower inn lam le Wesly sizung karlak, Bogyoke lampi ah a ummi ralhrang kawlralkap hna an umnak hmun cu Kalay PDF nih an kah hna.

Hi i kahdohnak ah ralhrang kawlralkap lei in a tlawmbik minung pahnih an nunnak aliam i, Kalay PDF lei cu hliam a tuarmi le a nunnak aliammi an um lo. Tlamtling tein kan umnak hmun le hma ah kan kir tthan kho tiah an langhter. Hi i kahnak ruangah Tahan mipi hna cu an lau ngaingai hna. Asinain mipi lei in hliam a tuarmi le a zaammi an um lo tiah theih a si.

Be the first to comment

Leave a Reply

Your email address will not be published.


*