AN TLAWMTUK CAN, RALHRANG KAWLRALKAP AN TLAWMTUK CANG TINAK SIKO HIH

Ralhrangbu Nih Rallokap A Lut Kho Ding Cu Tangruk Aung In Tangli Aung Ah An Thumh Ralhrangbu nih rampi nawlngeinak an lak hnu ah rallokap a lut duh mi an tlawmtuk cang caah mithar kawl ah buainak tampi an ton caah cacawnnak lei ah tang 4 a awng mi poh luhk khawh dingin a thumh. Mah hlan ah rallokap ah a lut khomi hi tang 6 awng a si lai tiin ralhrangbu nih an rak khiah mi a si.

Atu cu a hlan bantukin mithar kawl a fawi ti lo caah tang 6 awng in tang 4 awng ah an thumh mi hi a si tiin hmun tampi ah mithar kawl rian a rak tuan bal mi rallokap hlun pakhat nih a chim.A hlan ahcun rallokap nih ‘standard army’ a si khawhnak dingah timhnak a ngei caah fimthiamnak lei zong ri a rak khiah,rallokap an tuan pah zongah an duh ahcun cacawn pah khawh a si.

Ralhrangbu nih uknak an lak hnu ah an riantuannak duhlo in cozah riantuan, palek le ralkap tampi CDM ah an lut.Mah caah mipi le ralkap pehtlaihnak a hlat,a rawk chinchin i ralkap a lut mi zong an zor ngai.Cheukhat hmun ahcun ralkap an i daih lo ruangah ralkap hlun pawl zong an lak than hna, ralzaam hmun cheukhat ah a ummi hna zong pitusit ah hramhram an tuan ter hna tiah theih a si. Ref; MPA, TCP

Thawngpang dang:Assam le Mizoram Palek An I Kap,Assam Palek 6 An Thi Nihin July 26 zaanlei suimilam 4 hrawngah khan Assam palek hna nih Mizoram, Vairengte ah buainak an rak tuah ruangah Mizoram palek he minute 45 chung hrawng an i kap. Assam palek pawl hi Cachar DC he tuchun suimilam 11 hrawngah nikum lei ah ramri kong buainak a chuahnak hmun Vairengte thlanglei Vairente auto rickshaw stand ah umhmun khuar timh in an kal ti Mizoram palek nih an theih le cangka in Vairengte mino pawl cu va kal in Assam palek he buainak a chuak.

Buainak a chuah hnu ah Assam palek pawl cu hnulei ah an i thawn i Mizoram IR battalion umhmun sak an timhnak hmun ah hmunhma an la than. Hi kong he pehtlaih in Kolasib SP le Assam palek hruaitu an i chawnh lio ah Assam lei nih meithal an puah caah i kahnak hi a chuak mi a si. Kaphnih palek hna hi minute 45 hrawng an i kah hnu ah Assam palek lei nih kan tlawm ti langhternak ah thantar raang an thlai i an tlik hnu ah i kahnak hi a dai.

I kahnak ah Assam palek 6 an thi i, Mizoram lei in Vairengte mino pakhat hliam a pu Assam palek hna hi ramri thluan an duty nak hmunhma zong an chuahtak dih caah Mizoram palek nih an lak cang tiah theih a si.Ramri ah buainak a chuah lio ah Assam in Mizoram lei a rak tli mi nuva hna an i cit mi mawtaw cu Assam palek nih an hrawh piak hna pin ah mah hna nupa zong fak piin an velh hna tiah theih a si. LPS.

Be the first to comment

Leave a Reply

Your email address will not be published.


*