AN I FAKSAK KHOTUK CANG HI TEH, RALHRANG PAWL CU

Ralhrangbu nih ‘Military Council’ tiah Hman lo dingin nawl a chuah. Military council (စစ္ေကာင္စီ) tiin a hmangmi hna cu hlathlainak kan tuah lai i, dan kan tat hna lai tiin Rakhine state administration council chimnak nawlngeitu U Hla Thein nih DMG he biahalnak ah a chim. Ralhrangbu le a kut tang press council zong nih military council tiin tial le hman lo dingin nawl a chuah cang, ramchung remdaihnak a hrawk khomi cafang hna cu print tuah in kan fim dih.

Media zulhphung he kalh in a hlei vuangin tial mi zong kan hmuh a si ahcun action kan lak hna lai. Nawl a ngai lo mi an um si ahcun ralrinnak le press council sinah kan report hnuah a herh ningin dantat an si lai.Mah biafang a hmang mi Rakhine media hna zong an um rih, mah biafang hi an caah tih a nung mi a si. Hrial ah a tha, cunglei nih nawl an kan pek mi a si tiah U Hla Thein nih a chim.

Ralhrangbu nih atu bantukin an ti mi hi media hna cungah censorship an tuah mi a si. Ralhrangbu nehsawhnak phun ah an ruah rua?Ralhrangbu nih uknak kan lak an ti zongah siseh, uknak kan control an ti zongah siseh council cu an mah nih an ser mi a si. Ralkap ti zong, council ti zong a dik dih ko.A taktak ti ahcun fact a dik mi, thleidannak a um lo ding, thawng kan lak nak hna an him ding hna cu media zulhphung bak a si. Thawng kan lak nak hna zong nih biahal nak a um ahcun an chim ve a hau.

Hi tin si lo in tial dih hnuah thleidannak nan ngei ti mi cu mi palhnak a kawl mi an si tiah Myanmar Press Council chungtuan U Myint Kyaw nih a chim.Development Media Group, operation manager Ko Zaw Zaw nih; nawlngeihnak a ngei mi hna duh mi lawngte kan tial ahcun media zalonnak cu khua zeidah a um cang lai. Hlan lio bantukin media pawl hi thihphaih khawh kan si ti lo. Dik nak lei mipi an um peng ko.

Media pawl nih lobby kan tuah mi a si lo. A cang mi le kan hmuh mi bantuk tein mipi sin ah thawng kan thanh mi a si. Ralhrangbu nih an ser ruangah (စစ္ေကာင္စီ) tiah kan hman mi a si tiah a chim.Ralhrangbu nih uknak an lak hnu February 1 in ralhrangbu nih media cheukhat hna cu an zung an hrawh, an khar piak hna lengah cheukhat an tlaih hna. TCP

Kawlram minta minthang Min Maw Kun nih Ralhrang kawlralkap lutlai Min Aung Hlaing a phomh cang. Min Aung hlaing nawlngeihnak doh dingah kawlram Fidi Fitlaw pawl tampi hna an um hna. Cu chungah biatak te le raltha taktak in a au ngam mi cu Min Maw Kun hi a si. A nupi le a fale hna zong amah sin ah an phan cang tiah theih a si.

Atu hi Min Maw Kun cu tlangcung hriamtlai phu sin ah raltuk a cawng cuahmah tiah theih asi i, cun KNU sin ah ralzong a tu cang tiah a timi zong an um. Cun Min Maw Kun cu an kah i a dirhmun a tha lo ngai tiah thawngpang a phunphun a chuak lengmang. Asinain kahdohnak ah zeihmanh hliamhma a tuar lonak amah Min Maw Kun nih mipi sin ah theihternak atuah hna.Acunglei konghe pehtlaiin Min Maw Kun nih ralhrang kawlralkap lutlai Min Aung Hlaing cu fak ngaiin a hrocer cang. Min Maw Kun nih a timi cu Min Aung Hlaing a tu ahcun na cungah phuba ka lak ding a tam deuhdeuh tiah a vun thuat cang.

Be the first to comment

Leave a Reply

Your email address will not be published.


*