AA THIL TUAH CU RALHRANG HNA CA AHCUN LAWMHNAK IN AN KHAT AI

RALHRANG CAAH THAWNGPANG TTH NGAINGAI A SI KO HIH. AA nih June 16 le 17 ni 2 chungin ralhrangbu bawi hna telh in an tlaihmi minung 23 an thlah than hna tiah theih a si. Minung 6 hna cu June 16 ah Myauk-o peng Kyaukkyat khua ralhrangbu kut ah an pek hna. A dang 17 hna cu June 17 ni ah Butitaung peng Teitaungpyi khua Tatmah 22 tang LIB 210 tatyinhmu Lt.Col. Aung Zaw sin ah an pek.

An thlahmi chungah 2019 october thla 26 ah Sittwe in Butitaung lei a kal mi Shwenadi tilawng ah an tlaihmi 58 lakah 14 an i tel, nikum ah kan thlah mi hna he cun kan sin ah a ummi an um ti lo tiah AA chimnak nawlngei Khaing Tu Khat nih a chim. Atu bantuk an tlaihmi hna an thlahnak kong he pehtlaih in Khai Tu Kha nih “kaphnih kan i chawnh hnuah an rak don hna i kan thlah piak mi hna an si, kan i pehtlaihnak ah thanchonak pakhat zong a si” tiah a chim.

Arakan Army 'AA' Ralbawi Tun Myat Naing A Vansang Cang Ko Rua Kawl Ralkap  He Kahdaihnak Ser Dingah Timhcia Kan Si Cang – Chin Miphun Tlangau

Rakhain ramah kahdaihnak hi a tu thla 7 a si cang. AA le ralhrangbu hruaitu cheukhat chawnhbiaknak an ngei pah lengmang tiah theih a si i, March 11 uknak latu ralhrangbu nih AA cu ralhrangbu si nak in a zuh piak hna. Cu hnuah ralhrangbu nih AA hruaitu Bochok Tun Mya Naing naupa le a naunu le a naunu pasal hna telin ralhrang upadi he tlaihmi tampi a thlah piak hna hnuah AA lei zong nih atu bantukin an tlaihmi hna an thlah piak ve hi a si. Ref; TCP

Arakan Army (AA) Ralbawi Tun Myat Naing Naunu Le A Pasal Le An Fa kum 4  Ming Hna Cu Yangon Airport Ah Kawl cozah nih An Tleih Hna – Chin Miphun  Tlangau

Thawngpang Dang:Bomb puah ruangah ralhrang kawlralkap lei hliam a tuarmi le a nunnak a liammi zong an um kho tiah ruah a si. Tamwe ah bomb a puak ngaingai. Cu bomh puahnak a can caah minung pakhat a thi pakhat a kut a tan, Cun Ralhrang Kawl ralkap lei zong hliamhma a pu mi le a nunnak a liammi zong an an um kho tiah thawng zamh nak nih alanghter.

Yangon region Tamwe township I hmun hnih ah tu ni June ni 18 zanlei nazi 3 le minute 20 hrawng ah bomb a puah caah minung pakhat a thi I a dang pakhat cu a kut a tan, cun ralhrang kawl ralkap a cheukhat zong an thi liam kho tiah pawngkam um mi mipi hna nih Yangon Khat Thit media ah thawngzamh nak ah tuni thil cang konghe pehtlaiin thanhnak a tuah.

147 lam chung USDP zung pawng ah a dir mi ralhrang kawl ralkap mawtaw cung ah a puak, cun ralhrang kawl ralkap sakhan pawng ah a dir mi ralhrang kawl ralkap mawtaw cung ah voi 2 a puak than.Ralhrang kawl Ralkap mawtaw cu mei a kang I ralhrang kawlralkap cheukhat zong an I hliam tiah an langhter chih rih tthan.

Ralkap lei a thi mi an um le um lo cu theih asi rih lo. A voi 4 nak bomb cu 155 lam ah a dir mi taxi cung ah a puak. Mah taxi pawng ah minung pakhat a ril mi minung pakhat a um. A thi cang rua tiah an chim, Cun a pawng ah kut a tan mi pakhat zong a um tiah Yangon Khat Tit media ahcun mipi pakhat nih thawng a pek. Bomb a puahnak ralkap mawtaw cu a cim cikcek dih. Ralkap lei a thi mi an um le um lo tu cu confirm khawh a si rih lo tiah an chim.

Thawngpang dang: KIA nih ralhrang kawlralkap cu an bawh hna i, an motor he an rat cuahmah lio ah an kah hna. Hi konghe pehtlaiin thawngthanhnak an tuah mi cu KIO central zung pi umnak Laiza pawng ah ralhrang kawl ralkap hna nih ralkap thaazaang an rak chap. Ralhrang kawlralkap hna nih thaazaang chap dingin an rak rat lio ah atubantuk in an kah hna hi a si.

Ralhrang kawlralkap hna nih thazang chap ah a rak kai mi mawtaw cu Doh Phung Yan an phak ah KIA lei nih lampi ah an rak bawh hna i an kah hna tiah theih asi. June thla ni 18 zinglei nazi 10 le cheu hrawng ah Banmaw lei in a rak kai mi ralkap mawtaw 7 cu Doh Phung Yan phak hlan deuh ah KIA lei nih bomb an puah hnawh hna I a khawng mi an um le um lo cu theih khawh asi rih lo tiah khuami pakhat nih KNG media ah thawng a pek.

Ralhrang Kawl Ralkap lei nih Alawbum cu lak than an timh caah eidin ti rawl le hriamnam pawl cu Banmaw lampi in an thir len tiah a chim chap. Cutin thil a thir leng mang mi ralhrang kawl kralkap mawtaw pawl cu KIA nih tu le tu an kah leng mang hna tiah teih hna asi. Tuni kahdohnak ah minung zeizat dah an nunnak aliam timi tucu an langhter chih lo.

Be the first to comment

Leave a Reply

Your email address will not be published.


*