ZUALKO. SOLFA LEI AH BOCHANMI NIH MUAL AA KAN LIAMTAAK

Ngaihchiatnak thawng. Tahan A Group ah a ummi Pu Lal Reng Pui cu nizan zan suimilam hleikhat ah a nunnak a liam tiah thanhnak an tuah. Pu Lal Reng Pui hi Rev. Dr. Lai Thuam fapa a si. Amah hi kum 49 tluk a upa mi a si i, The Rengs timi min in a min a thang ngaimi pakhat a si.

Zanhan zan suimilam 11 ah khan paw lei damlonak ruangah a tubantukin a nunnak a liam hi a si. Amah Presbyterian Khrihfabu chungtel a si. Aruak zong tuni April ni 18 chun suimilam 12 ah an vui lai tiah theih a si. Pu Lal Reng Pui hi Thinlung Thawnthu timi hla a rak phuahtu kha a si. Hla zong tam ngai a rak phuah mi a sipin ah Guiter le Tonic Solfa a thiam taktak mi a si. Kaltak mi chungkhar Bawipa nih hnem ko hna seh.

May be an image of 10 people, people standing, road and tree

Adang, A nunnak a liammi ralhrang kawlralkap pakhat nih a nupi sin ah cakuat a chiah ta. Mah cakuat a chiahta mi hi a thih tik lawngah a chungkhar sin ah a phan dingmi a si. Hi konghe pehtlaiin raltuknak hmun ah a kalmi ralhrang kawlralkap pakhat nih a nupi sin ah cakuat a ttial mi cu a tanglei bantukin a si. To, Dawtmi ka rak kir tthan lo a si ahcun ka caah na mitthli rak thla hlah. Ka thih sual a si ah tiah mah cakuat hi ka tial.

Ka thih a si ahcun PDF hna hi sual rak phaw hlah law, kan raltuk ning in kanmah cu timhcia tein thi dingin timhtuah cia kan si i, cucaah ruahnak ngeilomi ralhrang hna hi mawh rak phurh deuh hna. Ka um ti lo a si ahcun na nunnak lamtluan zawh ding mi kha thatein rak i tuk te law ka caah na mitthli dorkhat zong rak tlakter hlah mu. Cun kan fapa kha zeitikhmanh ah ralhrang cawnpiaknak tangah hin rak chia hlah.

Ka chimmi hi rak i chinchiah peng law tihi ka duh ee. Kan fapa hmailei caah a pi umnak Ma Dong ah rak kalpi.Cun ka nu sin ah khan tangka tlawmpal te ting nga hrawng ka chiah. Cucu rak hal mu. Kei zong caan rem ka hmuh ahcun hihmun in ka rak chuak lai. Mah cakuat hi a liamcia thla khan U Htun viber hmangin ka vun in kuat lai mu. Thi loin ka um a si ahcun nan sin ah ka si khawhchungin rianrang in rak rat ka timh lai.

Ralhrang hna dirhmun hi a ttumchuk cang i, a tu kan i tukdohnak hna hi sullam a ngei lomi a si. Ka pu le hna thiltuah mi cu kan nunnak thap in kan thianh sawhmi khi a si. Na rak ka chimh mi kha rak ngaih ding ka rak si. Atu ahcun zeisan hmanh a tlai ti lo i, kutka khar bantuk a si e, Tuan ah ka rak chuah colh lo kha ka ngai chih tuk. Kan ngaituk tuk e Ni Laa, kan fate kha tha tein rak zohkhanh hram mu. Mah vial cu siseh mu. Mah cakuat hi raltuknak hmun ah a nunnak a liammi ralhrang kawlralkap ruak an lak lomi an kaltaak mi ralhrang kawlralkap pakhat ruat zal ah an hmuh a si tiah an langhter chih.

Be the first to comment

Leave a Reply

Your email address will not be published.


*