ZUALKO: MISSION RIAN A TTUAN LIO MI REV. LIAN CI A NUNNAK A LIAM

Magway ah Mission riantuan lio mi Rev.Lian Ci A Nunnak Liam. 1980 lio i CBC (Chin Baptist Convention) in CCOC mission rian in thlanglei Laitlang lei ah ramthar sernak ah caan saupi rian a tuan hnu ah tu lio CBC i Chindwin mission i hruaitu pakhat a si mi Rev.Lian Ci cu tuzing suimilam 5:30 ah Magway sii-inn ah Covid in a nunnak a liam. Credit: TCP

May be an image of 1 person and text

Thawngpang dang: Ralhrang kawlralkap nih ziknawh eihmuar case pali an chapmi konghe pehtlaiin Aung San Suu Kyi a holh ve cang. Aung San Suu Kyi nih a sihni sin ah a chimmi cu hithil an kapuh mi hi a hmanlo bak mi a si tiah a chim. Aung San Suu kyi cu ralhrang kawlrlakap nih eihmuar nak case pali an chap. Asinain zeibantuk pawl dah asi timi tucu fiangin cathanh an chuah rih lo.

Ralhrang kawlralkap hna nih Aung San Suu Kyi nih hin ningcang loin Yangon CM Phyo Min Thein sin in dollar tingruk le suitlang cuai 7 alak tiah sual an puh. Hi bantuk in CM Phyo Min Thein sin ka lakmi a um ballo tiah Suu Kyi nih a mah sihni sin ah a chim. Aung San Suu Kyi nih amah sihni Kyi Win sin ah a chimmi cu a tanglei bantuk in a si.

CM Phyo Min Thein siin dollar le suitlang ka hmu lo hrimhrim tiah Aung San Suu Kyi nih a chim. Mah bantuk thil aa ka peknak a ruang hrimhrim a um lo. Rak ka pe hmanh sehlaw ka cohlang lai lo tiah a peh rih. Thil a cangmi cu a duh lo taktak i, thil a cang khomi a si lo tiah a ti rih. Ahnu bik ah an timi hi an phuahchom mi a si tiah a chim tiin a sihni nih zapi sin ah a chim.

Aung San Suu Kyi hi Sihni paruk angei i, a case zong a sihni pawl nih biatak tein an buaipi cuahmah lio a si. Atulio cu ramchung zawtnak a karhtuk ruangah Aung San Suu Kyi case zong an i din chung tiah theih a si. Zeitik ah dah an peh tthan te lai timi theih a si rih lo.

Be the first to comment

Leave a Reply

Your email address will not be published.


*