ZUALKO. CNLD CANDIDATE TTHING PU THIAN ZA BAWI A NUNNAK ALIAM

Ngaihchiatnak thawng. Kalaymyo CNLD candidate tthing a simi Pu Thian Za Bawi nih hi vawlei nunnak in mual aa kan liam taak. Kum 2020 rampi thimnak ah Kalaymyo in ramthen hluttaw CNLD Party in candidate, a simi Pu Thian Za Bawi a nunnak liam. Pu Thian Za Bawi hi Taungzalat sang ah a ummi a si i, kum 67 a si. Tuzing suimilam pasarih le cheu ah a nunnak aliam tiah thawng theih asi. Taantaak mi chungkhar hna Bawipa nih nan ngaihchiatnak in hmen ko hna seh.

May be an image of 1 person and text that says "CNLD CNLD ကလေးမြို့ နယ်တိုင်းဒေသကြီး မဲဆန္ဒနယ် အမှတ်(၂) လွှတ်တော်ကိုယ်စားလှယ်လောင်း ဦး ထန်ဖဘွဲ့"

Thawngpang dang. Sekan Khualu ah an tlaihmi Minung pahnih cu an thlah tthan hna. June ni 22 ah ralhrang kawlralkap nih Kalaymyo ah an tlaihmi minung pahnih Pa Ci Thang le a U Ngun Nei Mang cu tuni June ni 25 ah an thlah hna tiah theih a si. Pa Ci Thang le a U Ngun Nei Mang cu tuzanlei suimilam paruk le cheu hrawngah an inn an phan cang tiah an chim.

Aliamcia June ni 22 zanlei suimilam pathum le cheu hrawngah ralhrang kawlralkap hna cu Sekan khualu civuan lam ah motor pasarih in an kal hna i, khuachung ah a ummi minung pathum an tlaih hna. Asinain khuachung an lonh or an chuahtak hlan ah minung pahnih cu an thlah tthan hna. Pa Ci Thang tucu ralhrang kawlralkap hna nih an tlaih.

Pa Ci Thang ralhrang kawlralkap hna nih an tlaih mi konghe pehtlaiin a U Ngun Nei Mang cu Pa Ci Thang konglam dottletnak a tuah ruangah an rak tlaih ve. Asinain tuni ah ralhrang kawlralkap hna nih an thlah hna tiah thawngpang an langhter. Hi konghe pehtlaiin Ralhrang kawlralkap hna cu June ni 23 in Sekan khualu Zichawng ah umhmun an khuar tiah theih a si.

Be the first to comment

Leave a Reply

Your email address will not be published.


*