ZAN TIANG KALAY PDF LE RALHRANG AN I KAP, RALKAP NIH THAAZANG AN CHAP

Ralhrang kawlralkap le Kalay PDF i kahnak ah ralhrang minung 17 an nunnak liam. Nizan i kahnak ah ralhrang minung 17 an nunnak aliam i, Kalay PDF lei in minung pahnih an nunnak a liam ve tiah thanhnak an tuah. Ralhrang hna cu nizan ah Chauh Phu, Dunuai le Sikhua lei ah kal an i tim hna. Cu ahcun Kalay PDF nih bomb he an kah colh hna i, zan suimilam 7 le cheu tiang i kahnak a chuak.

May be an image of one or more people, people standing and body of water

Hi i kahdohnak ah mi sawhsawh minung pahnih zong an nunnak aliam. A nunnak aliammi hna hi ralhrang kawlralkap nih an kahmi hna a si tiah an chim. Atu zong ralhrang kawlralkap hna nih kahdohnak an tuahnak hmun ah ralhrang kawlralkap pawl an chiah tthan hna i, umhmun an khuar tiah an chim. Hi konghe pehtlaiin mipi hna cu ralrin tein um uh tiah Kalay PDF nih an langhter.

May be an image of text that says "PDF (KALAY)"

Thawngpang dang: Zohchuntlak Kawlram minthang Khine Hnin Wai nih amah hman awk hman ngeiloin Oxygen dur 150 cu mipi sin ah a lak tein a phawt dih hna. Hi konghe pehtlaiin Khine Hnin Wai nih a timi cu Oxygen dur ka cahmi a rak phan. A harh bikmi hna caah ka phawt dih hna. Oxygen a hartuk lio caan asi i, a herhtuk mi vialte hna sin ah ka pek khawh lomi cu a poituk ka ti.

A harh taktak mi hna sin ah man lo tein ka pek hna i, nan hman dih lo asi ahcun midang rak pe ve hna uh tiah kan cah duh hna. Oxygen a herh ko nain a tingco lomi vialte hna rak ka theithiam hram uh tiah zaangfak kan nawl fawn hna. Keimah zong zarhkhat hrawng ka dam ve lo. Asinain keimah hman ding hmanh i chiah loin ka pek dih hna, aa ka bawmtu nan zate cungah ka lawmtuk tiah a chim.

Khine Hnin Wai hi ngakttah a cawmtu zong a si i, Yangon khuapi chungah zohkhanhtu ngeilo hngakchia an hlonh mi hna lunglawmte in a zohkhanhtu zong a si. Tthenkhat nih cun hngakchia hi a sin hna ah an zuar tawn ti a si. Mipi caah siseh, nu le pa ngeilo hngakchia hna caah asi khawh chungin rian a ttuanmi zong a si.

Be the first to comment

Leave a Reply

Your email address will not be published.


*