VIDEO: MEI KANGH NAK IN PI LAL NUN TLUANG A NUNNAK A LIAM EE

Chungkhar Nu bik mei nih a kangh chih ee, Tuni chunhnu suimilam pali le cheu renglo ah Mizoram Aizawl Bawngkawn sang ah a ummi Non-Mizo Christian Center pawng Assam Type inn kanghah chungkhat NU bik Pi Lal Nun Tluangi kum 35 cu mei nih a kangh chih caah a nunnak aliam tiah thanhnak an tuah.

Mah Assam Type inn hi Pi Nazami inn a si i dotkhat lawng asi. Inn cung lei ah hin inn ngeitu Pi Nazami a um i a tanglei hi cu a fanu a nunnak a liammi Pi Lal Nun Tluang te nupa an umnak a si. Pi Lal Nun Tluang le a vapa Lal Thla Mua hna nih hin fa pakhat lawng an ngeih tiah theih a si.

Hithil a can lio ah hin inn ngeitu Pi Nazami hi leng ah a chuah lio a si. Culawng siloin inn tang a hlangmi hna chungin an fapa zong an chungkhar hna sin ah a len lio a si. Inn kangh a chuak ti an theih in Pi Lal Nun Tluang le a vapa hna cu leng ah an zaam i, cu lio cuahmah ah Pi Lal Nun Tluang cu a kir tthan i inn chung lei a va zoh tthan.

Inn kangh nak kong an buai cuahmah lio a hramthok ahcun Pi Lal Nun Tluang hi meikanghnak ah aa tel timi an thei lo. Asinain an kawl lengmang tikah an hmuh lo tik ahcun mei kangh a dih hnu ah a ruak in an hmuh tiah thawngtheih a si. Meikanghnak hi inn tang in hram aa thok tiah an chim. Asinain a ruang zeihmanh an thei rih lo.

Be the first to comment

Leave a Reply

Your email address will not be published.


*