UPDATE: HAKHA AH LAMZAWH MI RALKAP NIH PAHNIH AN TLEIH HNA

Hakha ah duhlonak lamzawh mi SAC ralkap nih minung 2 an tlaih hna. May 14 Suimilam 1:30 pm hrawng, Matupi lam Viewpoint kainak pawng ah an tlaih hna. An tlaih mi ah pakhat hi duhlonak lamzawh mi a si i pakhat hi Saya pakhat (min langhter lo mi) te inn ah thlacam mi a si. Cheukhat cu an zaam manh. Dalaan nih a chimh hna i a si hoi ko lai, tiah a hmutu khuami pakhat nih The Hakha Times ah a chim. Nihin May 14 hi Hakha G-Z hna nih Pu Tler Ling le Pu Khamh Bawi ca ah tiin SAC ralkap uknak duhlo an langhter ni a si. Credit: The Hakha Times

Hakha Ih An Kaihmi Pakhat Cu An Thlahsal Nan An Rak Hrem Nasa Tuk Ruangah A  Thi - Meifar

Relchih:Hakha GTI ah Sianginn Kai ding in Mincazin a Pemi Siangngakchia pawl an i Let Than Dih caah Sianginn a Kaimi an Um Lo. May 5 ah SAC nih Myanmar ramchung University le College vialte on ding in an rak timhtuah i, Hakha GTI zong ah sianginn kai ding in mincazin a pemi siangngakchia cheukhat an rak um.

Hakha GTI siangngakchia hruaitu pakhat nih, Atu tiang kan theih tawk ahcun sianginn kai ding in mincazin a pemi minung 6 in 7 hrawng an si,” tiah The Chin Journal ah a rak chim.Asinain, sianginn kai ding in mincazin a pemi siangngakchia pawl nih kai tthan lo ding in an i let tthan dih caah Hakha GTI ah sianginn a kaimi siangngakchia an um lo, tiah Technical Students’ Union, Hakha nih thawngpang an chuah.

Hakha GTI sianginn on kong le siangngakchia a kaimi an um le um lo kong he pehtlai in sayakyi Dr. Tlaung Za Thang cu May 6 ah The Chin Journal nih kan pehtlai i bia kan hal tik ah, “Atulio ah cun mah kong hi mi nih an chimceih ngaimi a si caah bia kan let kho rih hna lai lo,” tiah a chim.

Hakha GTI ah siangngakchia zapi nih sianginn kai loin an um i, saya/sayamte chung ah zatuak in 67% hi CDM ah an i tel.CDM ah aa telmi saya/sayamate le rianttuantu minung 46 cu rian in kan dinhter chung hna, tiah May 5 ah Hakha GTI nih ca an rak chuah. Credit:The Chin Journal

Be the first to comment

Leave a Reply

Your email address will not be published.


*