TUZING AH KIA NIH RALHRANG TAMTUK AN THAH HNA, SAKHAN AN LAK RIH

KIA hriamtlai nih ralhrang palek sakhan an lak. Mungin peng Nanmun palek umhmun cu KIA nih tuzing suimilam 2:20 AM ah an kah i an lak tiah thawng theih a si. Nanmun palek umhmun ahhin palek le rallokap nih hmun an khuar i suimilam pahnih chung an i kah hnu ah palek umhmun cu KIA nih an lak khawh. KIA he i kahnak ahhin palek le rallokap tampi an thi.Nanmun palek umhmun cu KIA Brigade 9 tangah a ummi Batalion 29 nih an kah i an lak hi a si. TCP

May be an image of outdoors and text

Relchih:June 1,2021 thok cun Kawlram ah ramchung ralpi thawh dawh a si ko cang. Kawlram ahhin zeitik ah dah biatak tein raltuknak a thawh lai timi cu thinphang ngai in hngah cio a si. Kan duh zong duh lo zong ah Kawl ralkap uknak chia cu hriamnam in kan doh a hau cang. A nemnak in cabuai cung biaruahnak cun a si kho ding a si ti lo caah thim ding lam dang a um ti lo.

Nangmah maw keimah tiin i kah can kan phan cang ko. A tu hmanh ahhin tlangcung miphun ram a simi Kachin, Karen, Kayah le Chin ramkulh hna ahcun kahnak a um ngai cang. Sinain mahhi hmanh hi raltuknak fak taktak cu a si rih lo. Hriamtlai nih canrem ah ralkap an kah mi hna lawng a si rih. June 1,2021 ni thawk cun ramchung hmunkip ah biatak tein raktuknak a chuak cang lai tiah thawngpang a chuah cang.

Kawlram chung hmunkip khuapi he khua te, an mah Kawl rawm he kanmah Tlangcung miphun umnak he dihlak in ramchung ralpi thawh nak a um lai tiah thawngpang a leng. A sullam cu Kawlram khuapi a kap tu ding PDF pawl zong an mah le ral an tuknak ding hmun ah an phan pah cio cang hna. Yangon khuapi hna ahcun zahan ah kahnak an thawk cang.

Pehzulh in kahnak a um lai tiah PDF nih thawng an thanh. Kawlram khuapi dihlak ah raktuknak a um cang lai caah a herh lo ah leng ah chuah lo ding le din ei si ai a herh mi i chiah cia dih cio ding in thawng an thanh. NUG upa hna zong nih a herh mi tirawl le si ai pawl i khon cio cang hna uh tiah kan hnu ah khan mipi sinah thawng thanhnak an rak tuah cang.

Ramchung hriamtlai hna nih Kawl ralkap uico hna cu an hmuhnak kip hna ah le an umnak kip ah fuh in kahnak an tuah cang lai caah fak piin ramchung ral a tho khomi a si. Kawl ralkap pawl cu nan theih hna bang in raktuknak Vanlong an hman lai. Tank le miakpi a phunphun kahnak an hman hna lai caah kanmah kan inn chungkhar le kan khua cio kan him khawhnak ding ah biatak tein a hlankan tein ralrin cio kan hau cang hna. TCS

Be the first to comment

Leave a Reply

Your email address will not be published.


*