THAWNGPANG TTHA TAKTAK A CHUAK, KUT BENGH A PHU HRINGHRAN

Thawngpang ttha taktak a chuak Min Aung hLaing zohchia in an tuah. Kan Gyi Thauh peng I Saya/ Syamah minung 30 CDM ah an lut. Ayeyarwady region Kan Gyi Thauh peng ah cozah rian a ttuan mi saya/ sayamah minung 30 hna cu June thla a zarh khat nak thok in CDM ah an lut I CDM vuanthan in cohlan nak ding caah cunglei ah ca kan pek hna lio asi tiah Kan Gyi Thauh um mi tuanvo ngeitu minung pakhat nih a chim.

Tuandeuh ah khan cun hi ram buainak hi zeitiang a rauh lai kan theih lo caah le zaamnak hmun hma kan ngeih lo ruang ah CDM ah luh lo in kan rak um nak asi. Asinain a tu cu mithat lainawng ralhrang kawl ralkap lei nih sianginn pawl hramhram in an awn cang caah CDM ah luh lo awk a tha ti lo.

Ralhrang Kawl Ralkap nih hriamnam I put in hngah mi sianginnn ah ca chimh ding le a kai mi hngakchia caah thinphang a si tiah CDM ah a lut tharmi sayamah pakhat nih a chim. Kan Gyi Thauh peng ah CDM a tuah mi saya/syamah an rak tampi nain ralkap lei nih pohma 505 in taza cuai le tlaih khihnak an tuah hnu ah a cheu cu non CDM ah an lut than I minung 85 lawng CDM a tuah mi an tang. Asinain June thla thok in minung 30 cu CDM ah an luh chap caah a tu ah cun CDM tuah mi minung 115 leng an um tiah theih asi.

May be an image of one or more people, people standing, outdoors, tree and text that says "ကန်ကြီးထောင့်မြို့နယ် ပညာရေး"

Thawngpang dang theih aharh taktak mi a si. Oxygen kan herh cio kho cang! Khua khat le khua khat i tlawn a har cang. COVID-19 ral le a dangdang ruang ah zawtfah tik ah i zuanhnawh a har cang hih. Sii-inn le siikhaan um awk a har ca ah mahle inn cio i thlop a tam. Cucaah, khua khat ah a tlawm bik Oxygen dur 2 cio in le tar le mizaw ngei poh nih Oxygen dur 1 cio i chiah ah a tha bik lai.

Hakha khuato vialte caah HBDO-Hakha nih Oxygen cu chambau lo tein a pek khawh nain nihin ahcun kan i zaa ti lo. Khuate lei tiang kan bawmh tawn hna nain nihin ah cun a zaa ti lo. Cucaah, nan khua cio caah pumpak in maw buu in dah hi Oxygen dur hi a rannak in caw cio hna ulaw a tha hnga.

Oxygen cawknak ah siseh, a haang rawn thannak caah siseh nanmah tein nan i tawlrel khawh lo ahcun kan pehtlai zokzok uh, a caan um lio ah A kan chim hmasa poh in tawlrelpiak hmasa zokzok nan si lai. Pathian nih zawtnak chiahru chung in kan kilveng cio ko seh! Amen. Cung Hu. 09400305298.cunghu2007@gmail.com

Be the first to comment

Leave a Reply

Your email address will not be published.


*