THANTLANG LE HAKHA KAR AH CDF NIH RALHRANG TAM NGAI AN THAH HNA

Hakha-Thantlang kar Kahdohnak ah SAC Ralhrang Mithi/Hliampu an Tam. Nizaan (September 6) zaanlei sml. 5:00 le sml. 6:00 karlak ah Hakha le Thantlang karlak ah CDF le SAC ralhrang karlak kahdohnak a chuak i SAC ralhrang lei hliampu/mithi an tam, tiah thawng kan theih.Hakha le Thantlang karlak ramlak ah SAC ralhrang pawl riahbuk an sual lio ah CDF nih an kah hna i ralhrang 15 cung hliampu le mithi an um lai, tiah an zumh. CDF lei in hliampu/mithi an um lo. Nizaan kahdohnak kong he pehtlai in CDF nih thawngthanhnak an tuahmi a um rih lo. The Chin Journal

May be an image of one or more people, people standing and outdoors

Thawngpang dang: KNU Tatmaha(4) Nih Kawl Rakhrang A Kah Thok Colh. DDay an thanh tlawm pal ah KNU nih Kawl ralhrang kahhram a thok colh tiah theih asi. Tanintharry ramtthen KNU hmunhma laknak hmun pahnih ah tuzing ah hmunhnih ah kahdohnak a chuak tiah theih asi. Tayeihchaung myine chung ah a rak lutmi SAC ralhrang hna he tuzing(September 7)suimilam 9:30 tluk ah i kahdohnak a chuak i, KNU he maw PDF he dah ticu fiang in ka theilo tiah khuami pakhat nih a chim. Cun Palaw pengkulh chung ummi Duzinpin khua zong ah tuzing suimilam 8 tluk ah KNU le ralhrang karlak ah o kah dohnak a chuak ralhrang lei in ralkap tampi an phan chap tiah KhetbThit Media nih a tarlangh. Credit: TFT

Mah zong hi Thawngpang dang: NUG nih mipi ralkap zulh ding a thanh dih cang.NUG nih D Day a phuan cang caah ramchung rah fak khunin tukdohnak hramthok ding si cang caah Mipi ralkap nih sulh dibngmi phun (upadi) an sermi thawng an zamh cang.NUG nihcun,raltuknak hmunhma chung lutmi mipi ralkap hna zulhdingmi phung kong he pehtlai in NGU cozah in Defense vuanci nih tu bantuk hin thanhnak an tuah hi si.

Mipi ralkap hna nihcun acunglei nawlpek nan ngai lai, nanmah le ralkap cio cungah zumhtlak in nan um lai(titsa)nan ngei lai,na hriamnam khan a nunkham kho dingin man ngeihter izuam.Lakruak thilah mipi thilri nah man ahcun a rup ningin aman pek izuam. Ral kha zohdawh lo hrem le zohchia in thah lo ding,aa tlaknak hmunah hreng/chia ko,.

Ralkap nu hna le mipi nu hna sinah sex lei hoih in cawlcangh lo ding.Ralhrang sinah na lakmi hriamnam le thilri kha an hruaitu ralkap upa sinah ttha tein na pek/up lai.Kawlram pumpi ngan loin biapi raltuk thil dirhmun kan phak cang caah rikhiah um loin rian off dingah NUG cozah nih thanhnak kan tuah tiah an chim. Credit: Chinland 7 post.

 

Ralhrang kuttang ah rian a ttuanmi CDM a tuah lomi kan chungkhat vialte chimcio hna usih. An rian an chuahtaak lo ahcun an nunnak caah ttihnung a si cang. Kawlram ralhrang dohnak caan hngah lengmang mi D Day cu tuni ah NUG cozah nih thanhnak an tuah cang. Thanhnak an tuahmi chungah CDM atuah lomi ralhrang kuttangah rian attuanmi zong an i tel.

Chinmi tampi CDM atuah duh lomi ralhrang kawlralkap kuttangah rian a ttuanmi tampi kan um rih hna. Atu hi a donghnak bik caan an khiah mi a si. NUG cozah nih thanhnak d Day a thanhmi ah alanghter chih mi cu ralhrang kawlralkap kuttang ah rian a ttuanmi vialte nan rian chuak cang uh tiah an ti. Culawng siloin hriamtlai vialte hna cu mah le umnak cio ah ralhrang le abawmtu hna kha doh cang hna uh tiah an ti rih.

Myanmar caan karlak president a simi Duwa Lashi La nih tuni September ni 4 thok in state of emergency a thanh cang. Tuni September ni sarih thok in nawlngaihnak latu ralhrang kawlralkap hna cu alamkip doh asi cang tiah thanhnak an tuah. Thanhnak an tuahmi chungin atawinak in abiapi deuh mi hna cu a tanglei bantuk in an si.

Mipi vengtu ralkap hna nih nan mah le nan umnak i ralhrang kawlralkap le a bawmtu hna cu doh cang hna uh, Ralhrang thimmi uktu vialte a rannak in nan rian chuak cang uh, Mipi vengtu ralkap nih mipi nunnak le inn le lo kha kilveng cang uh. Cunglei upa hna chimmi ngai ulaw NUG nih kahdohnak a chuahmi kha zulh i zuam uh.

Tuni September nisarih thok in mipi umkal le chawhvah i ralring uh, ei din sii ai i chiah ulaw mipi vengtu ralkap hna kha thawngpang peknak le a dangdang in rak bawm hna uh. Tlangcung hriamtlai vialte nih hmunkhat ah ralhrang doh dh cang uh. Tuni thok in ralhrang tangah zungkai ti lo ding tiah ralrinnak an tuah cang.

Be the first to comment

Leave a Reply

Your email address will not be published.


*