SII-VAI TTHA LO IN CDF MINDAT AN KAH TTHAN HNA, THANHNAK AN TUAHMI

Ralhrang kawlralkap hna nih CDF Mindat kahnak ah sii vai tthalo hriamnam an hman. Nizan CDF-Mindat le ralhrang kawlralkap i kahnak ah ralhrang kawlralkap lei in minung pakhat a nunnak aliam tiah thanhnak an tuah. Htinchaung khua ah ralhrang kawlralkap le CDF Mindat hna cu nizan May ni 23 ah kah dohnak an tuah i, cu i kahnak ahcun Chemical hriamnam ralhrang nih an hman.

Hi konghe pehtlaiin Mindat mipi lei in uktu or hruaitu lei nih thanhnak an tuah mi cu nizan ralhrang kawlralkap le CDF Mindat i kahnak ah ralhrang kawlralkap lei in minung pakhat a nunnak a liam i, a dang minung pathum ralhrang kawlralkap hna cu hliam an tuar tiah thanhnak an tuah.

Ralhrang kawlralkap hna nih Chemical hriamnam an hman caah CDF lei hna cu an hnar a lin i, an lei zong a hit.Culawng siloin an lung a mit i, luakchuak tibantuk in an um hna. An mit zong a mui tiah a chim. Tuan deuh ralhrang kawlralkap le CDF Mindat i kahdohnak zongah chemical hriamnam hi ralhrang kawlralkap lei nih an rak hman cang.

Mindat kahdohnak an ngol rih lo, ralkap a tlawm bik 4 an thi - Daily Hot  News

Thawngpang Dang. Ralhrang kawlralkap nih khuami Vanlong in an kah hna.Ralhrang kawlralkap hna nih Loikaw I Nanat Taw le Yeyo sang hna cu cunglei raltuknak vanlong in hriamnam ngan in an kah hna tiah thanhnak an tuah. Kaya region Loikaw khua um mi Nant Taw le Yeyo sang hna cu ralhrang kawl ralkap lei nih hriamnam hme he angan he an kah hna.

Cu lawng si loin cunglei raltuknak vanlawng hna hmang in mipi cu an kulh hna i, an kah hna. Biatak tein an kah hna caah khuami hna zong kan zam kho lo tiah Yangon Khatit media thawngzamhnak ah thawngthanhnak an tuah. Hi konghe pehtlaiin khuami nih a chim rih mi cu Zingka in tutiang an I kap peng rih lo. Meithal thawng lawng te si ko.

Hmun dang zong ah zam kawh a si lo caah mah le inn chung cio ah kan I thup cio hna tiah a chim rih. Cun ralhrang kawlralkap lei nih Loikaw aiport in ralkap thazang an I chap len zong kan hmuh tiah khuachung um media cheukhat nih an langhter. Hi bantuk in ralkap lei nih tar le hngakchia umnak hmun hna ah hriamnam ngan hmang in kahdoh an tuah mi hi fak piin kan mawhchiat hna.

Hmun dang um mi mipi hna nih Nanat Taw sang um mi mipi hna cu dirpi ding in kan in nawl hna tiah PKPF lei nih ca an chuah ve. Nizan May thla ni 23 thok in Kaya region hmunhma pawl ah ralhrang kawl ralkap lei le mipi karlak ah I kah doh nak aa thok I ralkap lei nih hriamnam tling in mipi lei cu an kah len hna tiah theih asi.

Be the first to comment

Leave a Reply

Your email address will not be published.


*