SALAI LUNGTHLITUM NIH SALAI NGUN SAN AUNG LEHNAK A TUAH

Salai Ngun San Aung,Tutan dothlennak ah Laimi nih kan zohthla bikmi Salai Ngun San Aung nih atu lio ngol thei loin Pu Zobawi a thangchiat lengmangmi hmuh tikah lung a tha lo, kan ral taktak kan philh sual maw ti awk in a um. Pu Zobawi zong hi amah ti khawh tawk tein kum 20 leng ralkap cozah a rak doh ve i Chinram NLD hruaitu tiang a phanmi a si. Ralkap nih tutan tlaih in caan sau ngai hrem hmasami zong ah ai tel ve.

Atu belte a kum upa ve cang caah dai tein a um khi a si. Amah tein a um ko mi minung pakhat kha CDF hruaitu pakhat nih khiti a thangchiat lengmang tikah a ngaihchiami an tampi kho. CDF ralkap lila ah siseh, CDF caah biatak tein fund a kawltu lak zong ah Pu Zobawi a tefa an tampi timi philh lo a tha. Zobawi khi CDF nan ral a si bak lo, amah doh caan a si bak lo tiah ka ruah. Nan ral aho dah asi timi philh hram hlah u.

Pu Zobawi hi kum no tein businessman a cang, atu inn asakmi khi amah innhmun a si. Hakha innman a fah biknak hmun ah keimah ka chuah hlan ah inn a rak ngei cang. A tthing tuk cang caah atu a thar in a sak than khi a si. Hluttaw rian a tuan pah in tlorthing, grape dum, mansang thing cinnak dum tibantuk ekah tam taktak a tuah chih. Bungzung pawng ah kung 10,000 leng a cin.

Kungkhat ah tingkhat man a si i kum 4 hnu zuar ahcun ting 10,000 leng ka ngah lai tiah media interview ah a rak chim bal. Zephai zong ah tlorthing tam taktak a cin rih. Culawng hlah, US le Norway ah a fale an um. Hakha ah inn sak cu Laimi tampi nih tuah khawh ciomi khi a si ko. Zobawi a sakmi inn khi sui-inn asi hraw lo. Salai Ngun San Aung, ram caah nai pumpekmi cung ah kan in upat. Kan ral taktak na doh caah kan i lawm. Nain, kan miphun caah tihnung a si lem lomi minung pakhat kha 2015 in tutiang ngol thei loin na dohmi cu kan ngol piak ko cang tiah kan nawl. Credit: Salai Lungthlitum.

Thawngpang dang: PDF Nih ralhrang pawl lehnak an tuah cang hna. Ralhrang kawlralkap nih PDF hna cu tangka ting 40000 a firtu ah an puh hna. Hi konghe pehtlaiin Pago PDF nih lehnak an tuahmi cu ralhrang kawlralkap thanhnak an tuahmi hi Pago PDF minchiatter an duhnak asi. Biadik a si lo. Tangka a firtu hi Pago PDF kan si lo, Mipi nih PDF zum hna hlah seh tiah an duh caah ralhrang pawl nih an phuah chommi asi.

Kannih cu mipi caah harsatnak hi zeitik hmanh ah kan tuah lai lo, Mipi dohkalh phun in cawlcanghnak kan tuah lai lo tiah lehnak an tuah. Nizan ti awk ah khan Pago Irrawady bak in Yangon ah an phurhmi tangka ting 40000 cu lampi ah an suam hna. A suamtu hna hi palik fawm an i hruk minung pahnih le lamhngak palik pakhat cun abawm Minung pali an si tiah an chim. Hi tangka firtu ah ralhrang nih PDF an puh hna.

Thanhnak an tuahning ahcun palik fawm apetu hna hi tlaih hmasa an si i, cun a dang an tlaih hna. An kut chungah hriamnam zong tlaih chih an si tiah an chim. Tangka zong phungki sianginn ah a ummi nu pahnih sin ah hmuh a si tiah an chim chih. Hi tangka firnak ah tawlreltu le a fialtu hna cu Pago PDF an si tiah an chim. Hi ruangah PDF lei nih thanhnak an tuahmi asi. Hi tangka firnak ah hin ralhrang nih an thluak an chuahmi asi lai tiah an zumh.

Aruang cu khuapi tampi chungah tangka fir a tam ngaingai. Tangka ting thongkhat a firtu hmanh an tlaih khawh hna lo lio ah tangka ting 40000 a firtu rianrang tein kan tlaih khawh tiah ralhrang kawlralkap nih an timi hi an thluak asi lai. PDF pawl minchiatter an timh hna caah asi lai tiah minung tampi an zumh ve.

Be the first to comment

Leave a Reply

Your email address will not be published.


*