RIP. RALHRANG NIH AN THAH, CHUNGKHAR AN CELH BAK LO

Chungkhar lei an celh bak lo. June thla ni 23 ah Thipaw khua ah meithal kah nak in a thi mi pa ruak cu tuzanlei ah kan vui lai tiah an chim. Shanram Thipaw khua ah June thla ni 23 zan nazi 8 hrawng ah kum 27 a si mi Ko Aung Min Thu cu lakphak dawr in a lawi pah ah ralkap nih meithal in a lu ah an kah caah a thi tiah khuami a hmu mi hna nih an chim.

Meithal kah thawng voi 9 hrawng kan inn pawng ah kan theih caah leng ah kan chuak I kan zoh. Lakphak dawr a kal ti kan theih caah kan lau I kan va zoh tik ah cun a cycle cu a rak tlu I a mah zong lam ah cun a ril ko. Ralkap lei nih cun dir tiah kan ti mi cu a dir duh lo caah van lei hoih in meithal kan puah tiah an ti. Ko Aung Min Thu he cycle a phirh mi pa te cu a lau tuk nak ah zam I kan hmu kho rih lo.

Ko Aung Min Thu a nupi nih fa a ngeih nak hi ni 22 lawng asi rih. Lakphak dawr in lawi pah in a cang mi asi caah hin kan tuar kho hrim loh tiah taan tak mi inn chungkhar hna nih BBC ah an chim. A ruak cu tu zaan lei ah kan lak khawh lai I kan vui colh la tiah chungkhar lei nih an chim. Thipaw khua ah ralkap nih kahnak ruang ah mipi 2 an thi cang tiah khuami hna sin in theih asi.

May be an image of 1 person and standing

Thawngpang dang:Mipi pawl thawngpang ngai peng a hau cang. KIA nih kahdohnak a fak chin lengmang kho mi a si cang caah mipi lei nih thawngpang ngai peng uh tiah thanhnak an tuah. Kachin ram Myitkyina khua pawng ah a um mi Bala Min Thin hlei pawng ah KIA le SAC ralkap hna cu June thla ni 23 zaan ah kan I kap tiah KIA lei chimnak nawl ngeitu Buhmugyi Naw Bu nih BBC ah a chim.

Hlei pawng ah a um mi ralkap sakhan cu KIA brigade 3 nih kan kah hna. Ralrap lei zong nih KIA sakhan lei ah hriamnam ngan he a kan kah than tiah a chim chap. KIA sakhan pawl a si mi brigade 3 um nak Mau Jar Yan, Laiza pawng ah a um mi sakhan pawl le Pha Kanh lei ah a um mi brigade 9, 6 an um hna nak hmun pawl cu ralkap lei nih hriamnam ngan in an kah tiah Buhmugyi Naw Bu nih cun a chim.

Be the first to comment

Leave a Reply

Your email address will not be published.


*