RIP. CHIN PASALTTHA THIHNAK KONG CNF NIH THANHNAK AN TUAH CANG

RIP. Tedim lei, Zomi chung in CNF le Miphun cawlcanghnak ah biatak tein a cawlcang mi, Pasaltha Gin Suan Mang thihnak kong ah CNF Headquaters nih an ngaihchiat nak cathanh an chuah ve. Pasaltha Gin Suan Mang cu June 27, 2021 ah Covid zawtnak in a nunnak a liam ve mi asi. CNF/A cawlcanghnak ah Center Committee chungtel a simi, Ram le miphun dothlennak ah thazaang dihlak chuah in a cawlcang mi Gin Suan Mang cu June 27, 2021 ah Covid zawtnak in an kan liam tak timi kan theih cu kan lungfak, kan ngaih a chia tuk hringhran.

Tantak mi chungkhar dihlak nan ngaihchiat nak kan i tuar pi ve hna” tiah CNF nih cathanh an chuah hi a si. Hi kong he pehtlai in Salai Ram Tinthei nih “Chin Miphun zatlang cawcanghnak ah a lamkip in bochanmi GSMang nih Covid pul in a kan liamtak ti ka theih cu lungrawk le ngeihchiatuk asi. Chin Civil Society bu lak ahcun a hngal lomi an um lailo.

Kan Miphun dohthlennak ah anmah lei nih tha an pek lo lio ah, tha a pe pengtu pasal tha asi. Atulio a biapi tukmi caan hna ah Miphun dawtu hna nih an kan kaltak cu lungzur ngai asi! Hi hmanthlak hi 2011 CNF Emergency Conference, Mizoram ah anmah lei Tedim/Tonzang, Thado/Kuki aiawhtu pawl he kan rak ithlakmi asi” tiah a rak langhter ve.

Chinmi hna Nih Relchih:Lung A Nuam Kho Hrimhrim Lo Hi Teh! Ka miphun hna lungkhat tein ttan la chin lengmang ko hna usih,kan i bat mi cu,teinak hmuh ding lawnglawng kan i bat mi a si ko caah lam laklawh ah maw kan dinhpi ciitceet lai ucih ti hi a tu kan dirhmun nih cun kan dihlak a kan hmun zoh in a kan sawm dih. A hohmanh kei nuhmei ka si, kei pahmei ka si, kei nungak ka si, kei tlangval ka si, kei tar ka si, kei no ka si tiawk kan ttha hrimhrim lo.

A ruang cu,a tu kan ral nih hin a tar le a no zong thleidannak a ngeih lo caah kan nih zong nih i pheetchem phun in kan um awk le kan chim relawk a ttha hrimhrim mi a si loh hi teh. Zahan tiang in Chinram ah tam chin lengmang in ralhrang pawl cu an kai chin lengmang ko hna i,an umnak pawl hlat lengmang cio tik ah le khualhringtlang lei kulh phun deuh lawng te in, Falam peng, Falam in Chuncung khua karlak lampi khuate ah hin an cam tung ko hna ti a si.

MNF i a rak um bal ve mi,Punghaka nih cun,vai ralkap nih kan umnak an theih i a kan nam ngam zawklo ahcun,hnuamsam tete khin an ralkap kha kan pawngkam neihdeuh lengmang ah an chiah an chiah hnu i khua mipi hna zong hnahnawhnak pe lo tein an i umter i kan tam kocang an ti in nikhat te ah an kan kulh ciammam i an rak kan kah tiah a rak chim.

Cucaah a tu an cawlcangh ning le MNF chan lio i an cawlcangh ning,a rak i tel mi nih an chim mi he pehtonh tikah ai lo ngaingai in ka hmuh i keimah lungrethjeih in ka rak i theihseek len ve.Hi kong ah kan ralkap lei le kan pa lei nih khuakhannak ttha taktak mi cu an kan ngeih piak kocang lai ti zong ka zumh chih fawn caah khatlei cun ka hna ka van ingamh ruangmang tthan.

Be the first to comment

Leave a Reply

Your email address will not be published.


*