RIP. CDM A TUAHMI SIIBAWI THIAMSANG RALHRANG AN THAH, LUNG A FAKTUK ASINING

RIP. CDM a tuahmi sibawi thiamsang thongchung ah a nunnak aliam. Ralhrang kawlralkap uknak lakmi dohkalh in CDM a tuahmi siibawi thiamsang Maung Maung Nyein Tun cu ralhrang kawlralkap hna nih CRPH le NUG na dirpi hna tiah sual an phawt i, thong ah an thlak. Thonginn ah covid zawtnak nih a phak i, zualhma ngai in a um.

Zualhma tuk le a dirhmun a tthat lo caah sizung ah an kal i, tuni ah a nunnak a liam tiah thanhnak an tuah. Hi konghe pehtlaiin chungkhar pakhat nih a chimmi cu Siibawi hi thonginn chungah covid zawtnak nih aphak i, thatein zohkhanh le thlopbul a si lo. A zualhma tuk caah thonginn in sizung an kalpi. A si ning taktak ahcun a hlan ken in sizung ah an kalpi ding asi.

Sizung an kalpi caan a tlaituk cang tikah a zualhmatuk hringhran cang. Cucaah ralhrang kawlralkap hna nih thi dingin an timhtuahmi hrimhrim a si i, anmah ralhrang kawlralkap hna nih an thah mi a si ko tiah ka ruah. Hi bantuk in mifim thiamsang hna an nunnak a liammi hi cu tuar a har tuk hringhran i, thinlung a faktuk tiah a chim. Ralhrang nih CDM atuahmi an tlaihmi hna hi thongchung ah minung tamngai an thi cang tiah an chim.

No description available.

Thawngpang dang:Yangon Chinmi Ralzaam Camp ah COVID-19 Positive Minung 13 an Hmuh Hna.Yangon ramtthen, Hleku ah a ummi Paletwa le Mro ralzaam pawl fonh in an umnak ralzaam camp ah COVID-19 zawtnak a ngeimi minung 13 nihin ah an hmuh hna. Chin Christian Alliance (CCA-Yangon) Relief Team hruainak in nihin ah COVID-1( Test an tuah hna i zawtnak a ngeimi an hmuh hna hi a si. Ralzaam Camp pawng ah a ummi Khrihfa ngakttah zohkhenhnak sianginn zong ah COVID-19 Positive minung 3 an hmuh hna, tiah thawng kan theih.

Be the first to comment

Leave a Reply

Your email address will not be published.


*